مصطفى يونس لـ«الأسبوع»: الأهلي السبب الأول في خروج المنتخب من كأس العرب

شن مصطفى يونس، نجم الكرة المصرية السابق، هجومًا حادًا على النادي الأهلي، بعد خروج منتخب مصر الثاني من بطولة كأس العرب 2025.

وودع منتخب مصر منافسات كأس العرب، عقب الهزيمة الموجعة من المنتخب الأردني بثلاثية نظيفة، في اللقاء الذي أقيم على ستاد «البيت»، ضمن منافسات الجولة الثالثة من مرحلة المجموعات.

وقال مصطفى يونس في تصريحات خاصة عبر بوابة «الأسبوع»:« الأهلي أول الأسباب في خروج منتخب مصر من كأس العرب، النادي الأهلي في السبعينات كان بيصدر اللاعبين للأندية، لكن دلوقتي بيفرغ الأندية من اللاعبين».

وأضاف: « لو أنا وزير رياضة دلوقتي، هطلع قرار بإقالة هاني أبو ريدة من رئاسة اتحاد الكرة فورًا، لإن هاني أبو ريدة خرب الكرة في مصر من 10 سنين، علشان ملوش علاقة بالكرة ولا الناس اللي معاه».

وتابع:« ما حدث طبيعي، ولا ألوم كابتن حلمي طولان، حتى لو لاعبية بيراميدز انضمت للمنتخب، مكناش هنعدي برضو، احنا المشكلة عندنا في المنظومة، لأن المنظومة كلها فاشلة».

واختتم مصطفى يونس:« احنا لازم نعالج الأساس ونشوف قطاعات الناشيئن اللي مليانة بلاوي ومصايب، وبعدين أولاد الفقراء هما اللي يلعبوا كرة، مش أولاد الأغنياء اللي بيدفعوا ألف 50 جنيه علشان يلعبوا، بالأفضل إننا نعالج الأساس وقطاعات الناشئين».

المصدر: الأسبوع