مصطفى بكري لملاك الإيجار القديم: ارحموا عزيز قوم وراعوا السنين.. فيديو

أكد الإعلامي مصطفى بكري عن أنه يجب مراعاة الحالات الإنسانية الصعبة في قانون الإيجار القديم، قائلًا: «ارحموا عزيز قوم وراعوا السنين».

وأضاف خلال برنامج «حقائق وأسرار» المذاع على قناة «صدى البلد» أن إثبات الشقق المغلقة لقي لخبطة وعشوائية، معلقا: «مفيش آلية واضحة أو دقيقة لإثبات إن الشقة مقفولة فعلاً، وده بيخلي المالك يقدر يرفع قضية طرد من غير ما يبقى عنده إثبات حقيقي، واللي بيهدد آلاف الأسر إنهم يترموا في الشارع».

وأضاف مصطفى بكري: «اللجوء لقاضي الأمور المستعجلة في بعض الحالات يعطي المالك حكم فوري، من غير ما المستأجر يبقى عنده فرصة يدافع عن نفسه كويس، وده ضد مبدأ العدالة والمساواة».

وواصل قائلا: «النتيجة في النهاية اللي بيدفع التمن هم الناس البسيطة، ستات كبار، أسر عندها أطفال، أو ناس معاشها على قدها، كل دول بقوا مهددين إنهم يخسروا بيوتهم في أي لحظة».

واستكمل مصطفى بكري: «اللى رصدناه الفترة اللي فاتت من حالات إنسانية صعبة جدًا، خاصة لسيدات كبار في السن عايشين لوحدهم، وناس على المعاش بقالهم سنين ساكنين في بيوتهم في أمان واستقرار، فجأة بقوا مهددين بالطرد، من غير ما يبقى عندهم بديل واضح أو دعم كافي».

واختتم مصطفى بكري: «كتير من البيوت دي انتقلت لورثة ما كانوش جزء من العلاقة القديمة بين المالك والمستأجر، فبقينا نشوف مضايقات بتحصل من غير أي تقدير للبعد الإنساني، ولا احترام للسنين الطويلة اللي الناس قضوها في المكان».

اقرأ أيضاًمصطفى بكري ينعى مذيعة التليفزيون المصري نيفين القاضي

مصطفى بكري يحذر من خطورة الأوضاع في اليمن ويطالب الجامعة العربية بالتدخل

مع حلول 2026.. مصطفى بكري: كل عام والمصريون أكثر تماسكا ورايات أمتنا شامخة

المصدر: الأسبوع