لميس الحديدي تعلق على منع السيدات من الإقامة ببعض الفنادق بمفردهن

علقت الإعلامية لميس الحديدي على عودة قرار منع النساء دون سن الأربعين من الإقامة في بعض الفنادق بمفردهن، وهو قرار تتخذه بعض الفنادق وليس قرارًا عامًا صادرًا عن وزارة السياحة، قائلة:"قرار قديم عاد إلى الأضواء والأنظار مجددًا، مش عارفة ليه سن الأربعين؟ لو واحدة عيانة أو طفشانة من البيت ورحت أوتيل، هيتسأل عن مبررات حياتك وليه جاية لوحدك وليه مفيش جوزك أو أخوكي.

"

محتاجين نفهم.. لميس الحديدي: قرار إلغاء إعفاء الهواتف لا يخدم الصناعة الوطنية ويحمي التجار لميس الحديدي تكشف تفاصيل مشاركة الرئيس السيسي في دافوس

وأضافت لميس الحديدي خلال برنامجها "الصورة" المذاع على شاشة النهار قائلة:"هذا ليس في كل الفنادق، لكن في البنسيونات أو الفنادق التي تحمل تقييم ثلاث نجوم أو أربع نجوم أو أقل، ويتم منعهن بالذات تحت سن الأربعين، وكأن الست تحت هذا السن مشكوك في سلوكها، وفوقه خلاص عجزت."
وعلقت ساخرة:"طيب بالنسبة للخمسين؟ شايفينا إزاي؟ أروح أنتحر؟"

وتابعت لميس الحديدي:"مافيش قرار مكتوب حقيقي، وكل شوية تتجدد هذه الحوادث. في عام 2021 حصل جدل في بعض الفنادق، وبيبقى قرار الفندق نفسه وليس نابعًا من وزارة السياحة، ورغم أن ذلك ضد الدستور. هناك مادة 62 تكفل حرية الإقامة والتنقل لكافة المواطنين، ما قالش الدستور سن الأربعين أو سنجل أو متجوزة."

وواصلت:"مؤخرًا فيه زميلة صحفية نزلت في فندق في إحدى المحافظات، في بورسعيد، راحت تحجز أوضة، قالوا لها سنجل وتحت الأربعين، وتتجدد حالة الجدل، والسياحة قالت ما فيش كلام من ده."

معاقبة الفنادق التي تقدم على مثل هذه الإجراءات المخالفة للدستور

وطالبت الحديدي وزارة السياحة بمعاقبة الفنادق التي تقدم على مثل هذه الإجراءات المخالفة للدستور، قائلة:"طالما ما فيش قرار رسمي أو مكتوب وده سلوك فردي لبعض الفنادق، لازم وزارة السياحة تعاقب الفندق اللي بيعمل كده. يعني لو الفندق عمل أي مخالفة تتعلق بشروط السياحة وقوانينها بتعاقبوه، لكن ليه قصة الستات ما فيهاش عقاب أو غرامات؟"

واختتمت قائلة:"طبقًا لهذا العرف اللي بتطبقه بعض الفنادق، وإحنا مش فاهمين هو عرف اجتماعي ولا عرف فندقي، طيب لو واحدة أجنبية بتسيبوها ليه؟ ممكن يكون معاها واحد؟ ويقولوا ما ينفعش نوقف السياحة وده طبعهم، لكن لو مصرية يعاملوك بعرف غير مفهوم، كأنك مشكوك فيك طالما تحت الأربعين حتى يثبت العكس.ولو فوق الاربعين روحي إنتحري "
مختتمة : "هذا  ليس ضد الدستور فقط  لكن ضد الاخلاق وضد الحقوق واي حاجة ولايمكن القبول به لاي حد  وعلى فكرة مش مطلوب مني  تقديم مبررات زهقانه رياحه اقعد في فندق أنا حرة  اعمل الي  عاوزاه طالما لم أتعدى على القانون والدستور ملكش عندي  حاجه  مش لازم اققدملك مبرر "

المصدر: بوابة الوفد