أمير هشام يكشف عن مفاجآت في أزمة إمام عاشور.. تفاصيل
تاريخ النشر: 30th, January 2026 GMT
وجه الإعلامي أمير هشام رسالة لـ الكابتن سيد عبد الحفيظ بشأن أزمة اللاعب إمام عاشور مع القلعة الحمراء.
أزمة إمام عاشوروكتب أمير هشام عبر صفحته على موقع التواصل الاجتماعي فيسبوك:"الكواليس في موضوع امام عاشور كتير، جزء منها اتقال واتحكى وفيه تفاصيل تانية اكيد، لكن وبمنتهى الوضوح ومعتقدش ان الكلام ده ممكن يزعل حد.
أتمنى من الكابتن سيد عبد الحفيظ، بخبرته الكبيرة تحديداً في منصب مدير الكرة انه يساند ويساعد الكابتن وليد صلاح الدين وأن يكون فيه تداخل ودعم مباشر وأن يكون ده بتوجيه من الكابتن محمود الخطيب او من ادارة النادي وده مش عيب خالص بالعكس الاستفادة من الخبرات لا يقلل ابداً من قيمة الكابتن وليد صلاح وله مني طبعاً كل التقدير والاحترام. وأعتقد ان ده واجب على الكابتن سيد عبد الحفيظ في رأيي".
وتابع :"الكابتن وليد صلاح الدين نجم كبير واسم تقيل في تاريخ الكرة المصرية وده محدش يقدر ينكره، وهو بطبعه راجل محترم ومبيحبش يزعل حد ودايمًا بيحاول يحتوي وده شيء يُحترم، لكن الحقيقة إن التعامل مع اللاعبين الكبار وإدارة الأزمات محتاج خبرات أكتر او محتاج شوية وقت لان في الاهلي دايماً الضغوط مختلفة وأكبر بكتير طبعاً".
وأضاف :" في الإدارة مش دايمًا ينفع نمسك العصاية من النص وانا هنا بتكلم في العموم، أحيانًا الحسم بيكون ضروري وعلى فكرة طبيعي جدًا إن فيه ناس تزعل منك وناس تبقى راضية عنك طول ما إنت بتاخد قرارات صح لمصلحة المنظومة من وجهة نظرك الاهم ان يكون فيه قرار ولازم يكون فيه حسم وحزم بعيداً عن أي مواءمات".
واختتم: "بالمناسبة عقوبة إمام عاشور كانت بالتنسيق الكامل بين الكابتن محمود الخطيب والكابتن سيد عبد الحفيظ وفقط".
وكان الناقد الرياضي عمرو الدردير كشف عن كواليس الإتصال الهاتفي بين سيد عبد الحفيظ واللاعب إمام عاشور بعد أزمته الأخيرة في القلعة الحمراء.
سيد عبد الحفيظ وإمام عاشور
وكتب الدردير عبر صفحته على موقع التواصل الاجتماعي فيسبوك:"خلال اتصال هاتفي مع سيد عبد الحفيظ، إمام عاشور يعتذر عما بدر منه مؤكدا أنه كان يعاني من وعكة صحية ليلة السفر، ويؤكد امتثاله للعقوبات الموقعة من النادي الأهلي والتزامه في التدريبات المنفردة بدءا من يوم السبت".
وتسببت أزمة هروب اللاعب إمام عاشور، نجم النادي الأهلي، من بعثة الفريق المسافر إلى تنزانيا، في حالة من الجدل لدى الوسط الرياضي والجماهير المصرية خلال الساعات الماضية.
أزمة خلف الكواليس
وكشف الناقد الرياضي أدهم عبد الرحيم، عن وجود أزمة حقيقية خلف الكواليس في أزمة غياب لاعب النادي الأهلي إمام عاشور عن سفر الفريق إلى تنزانيا، والعقوبة التي أعلنها النادي ووقّعها على اللاعب.
وأوضح عبد الرحيم، خلال مداخلة هاتفية ببرنامج «صباح البلد» المذاع على قناة «صدى البلد»، أن الأزمة تتعلق بخلاف بين إمام عاشور ووكيل أعماله من جهة، وإدارة النادي من جهة أخرى، بسبب رغبة اللاعب في تعديل عقده وزيادة راتبه بما يتناسب مع بعض لاعبي الفريق، وعلى رأسهم أحمد سيد زيزو.
وأشار إلى أن غياب اللاعب عن الفريق قد يكون أحد أساليب الضغط التي يمارسها اللاعب ووكيله على إدارة الأهلي، متوقعًا أن تحاول الإدارة التوصل إلى حل وسط يرضي اللاعب من الناحية المالية، دون الإخلال بتوازن الرواتب أو مبادئ النادي.
وشدد على أن تمسك اللاعب بموقفه قد يدفع إدارة القلعة الحمراء للتفكير في عرضه للبيع، تجنبًا لتحوله إلى عنصر توتر داخل غرفة الملابس.
عقوبة إمام عاشور
وأعلن النادي الأهلي توقيع عقوبة الإيقاف على لاعبه إمام عاشور لمدة أسبوعين، ضمن حزمة من العقوبات الانضباطية التي فرضها النادي عقب تخلف اللاعب عن مرافقة بعثة الفريق المتجهة إلى تنزانيا، استعدادًا لمواجهة يانج أفريكانز في دوري أبطال إفريقيا.
وشملت العقوبات إيقاف إمام عاشور عن المشاركة في المباريات لمدة أسبوعين، إلى جانب تغريمه ماليًا مبلغ 1.5 مليون جنيه، مع خضوعه لبرنامج تدريبي منفرد طوال فترة الإيقاف، في إطار سياسة النادي الصارمة للحفاظ على الانضباط داخل الفريق.
المصدر
المصدر: صدى البلد
كلمات دلالية: إمام عاشور سيد عبد الحفيظ الاهلي الزمالك الکابتن سید عبد الحفیظ النادی الأهلی إمام عاشور
إقرأ أيضاً:
مفاجآت نارية عن فيلم أسد وسر كلمات زينة المثيرة للجدل عن أحمد عز.. تفاصيل
علقت الناقدة الفنية مي سكرية، على جدل وأزمة سحب فيلم أسد بطولة الفنان محمد رمضان، من دور العرض السينمائية.
وقالت مي سكرية ، في لقائها مع الإعلامية نهاد سمير، ببرنامج صباح البلد، المذاع على قناة صدى البلد: «قبل ما أتفرج على الفيلم كنت متخيلة فعلاً إن الفيلم بيدعم نظرية الأفروسنتريك اللي بعض السودانيين أو بعض الأفارقة بيتكلموا عنها أو دلوقتي بيحاولوا يروجوها، إلى أن اتفرجت على الفيلم، بعيد كل البعد عن الأفروسنتريك، فيلم أسد بيتكلم عن ثورة الزنج أو ثورة العبيد اللى حصلت المفروض فى العراق ولكن هما في الفيلم مصروها إنها حصلت في مصر».
وتابعت الناقدة الفنية: «ومن بداية الفيلم قايلين إن دول عبيد أو زنوج أو أفارقة جايين من كل حتة من أفريقيا ومن كل حتة من العالم، من القارة كلها، وكانت ثورتهم في إن كل واحد عايز يرجع بلده، يتحرروا من العبودية وكل واحد يرجع على بلده».
وفيما يخص أداء الفنان محمد رمضان في الفيلم، قالت: «عجبني عناصر الفيلم، إخراج، صورة، تمثيل محمد رمضان مختلف تمامًا عن أدواره السابقة، شايفة إن الفيلم مختلف، وفيه معارك كبيرة جدًا مع تمثيل وانفعالات ومحمد الحقيقة قدم فكر مختلف».
واستكملت الناقدة الفنية مي سكرية: «طرح فيلم 7dogs أثّر على نجاح محمد رمضان، لما نيجي نقارن إيرادات لازم نقارن عدد قاعات لازم نقارن عدد دور العرض، تلاقي قاعات العرض عددها كبير جدًا مقابل 54 قاعة عرض لمحمد رمضان، ونيجي بعد كدة نقول فيلم 7dogs حقق إيرادات مهولة في المقابل، هو طبيعي لازم فيلم أسد ميحققش، لأنه اتشال من دور عرض كتير جدًا واتظلم».
زينة وأحمد عزوتحدثت الناقدة الفنية عن الرسالة المثيرة للجدل للفنانة زينة، “ده انا لو هرفع قضية على خروف هستني لبعد العيد” قائلة: «الشائعة لما بتتقال مبتبقاش منطقية، أصل مش معقول أنا كل ما هيدخل فيلم هزود النفقة، مفيش حاجة اسمها كدة، وخلاص المحكمة حكمت بنفقة معينة، ومش معقول كل ما هيدخل فيلم وكل ما هيدخل مسلسل أطالب بنفقة».
واختتمت مي سكرية: «أحمد عز أجره معروف واللي خده في 7 Dogs مش بالضرورة إنه ياخده في مسلسل درامي هنا أو في فيلم تاني هيمثله هنا، يعني الأجور بتبقى متفاوتة ومختلفة.. وكنت مع التوضيح لأن الكلام كان كتير أوي وطبعًا التشبيه مش لطيف، خاصةُ إنه أبو ولادها، والتشبيه ممكن يتفسر غلط».
محللون يشرحون دلالات الظهور الدولي الأول لوزير الدفاع الأفغاني بموسكو