علشان أرضي ربنا.. فنانة شابة تعلن الاعتزال
تاريخ النشر: 5th, February 2024 GMT
أعلنت الفنانة إنجي خطاب، اعتزالها التمثيل نهائيا، موجهة اعتذارا لمن اتفقت معهم على المشاركة في أعمال فنية، مؤكدة أن قرار اعتزالها أفضل قرار اتخذته في حياتها.
وكتبت انجي خطاب عير صفحتها على فيس بوك ": يا جماعة والله قرار اعتزالي ليس له علاقة بأي مشكلة في الفن وعندي عملين مضياهم كمان واعتذرت ليهم إني مش هكمل يعني الشغل موجود الحمد لله، أنا اعتذرت لاني بقالي سنتين عندي صراع داخلي بين إني أكمل أو لا صراع رباني لطريق الصح واستخرت ربنا وألمهني هذا القرار وعشان كدا دا قرار نهائي لا رجعه فيه وبكن كل الاحترام لزملائي في المهنة ومعنديش مشكلة مع أي حد".
وتابعت: "طول عمري في حالي كنت بشتغل بس الموضوع كله اختيار طريق إنت بتحدده لنفسك وياما مشينا طرق مش شبهنا في كل حاجة في حياتنا ورجعنا فيها وبنحاول ناخد طريق صح ونرضي ربنا وأنا مرتاحة جدا لقراري ده جدا جدا"وأضافت: "صليت استخارة وربنا ألهمني بهذا القرار لأول مرة في حياتي آخد قرار صح ومتأكدة ربنا هيكرمني في مجال تاني وهركز في دراستي وأعمل الماجيستير والدكتوراه وشكرا لحبكم ودعواتكم علي راسي والله".
أعلنت الفنانة إنجي خطاب، اعتزالها التمثيل نهائيا، موجهة اعتذارا لمن اتفقت معهم على المشاركة في أعمال فنية، مؤكدة أن قرار اعتزالها أفضل قرار اتخذته في حياتها.
وكتبت إنجي خطاب، منشور على حسابها الشخصي بموقع التواصل الاجتماعي الفيسبوك،:«بعتذر لأي حد اتفقت معاه على عمل فني، مش هقدر أعمله للأسف، أنا واخدة قرار نهائي اعتزال مهنة التمثيل نهائيا ودا أحسن قرار أخذته في حياتي.. وبكن كل احترام وتقدير لكل زملائي».
المصدر: صدى البلد
إقرأ أيضاً:
حنان ترك عن ارتدائها الحجاب: بهذه الطريقة تأكدت أنه فرض
تحدثت الفنانة حنان ترك، عن حياتها قبل الحجاب، وعن رحلتها الطويلة في البحث عن السعادة والمعنى الحقيقي للحياة، مؤكدة أن التجارب الدنيوية لم تمنحها السعادة الكاملة، وأن العودة إلى الله كانت نقطة التحول في حياتها.
قالت حنان ترك خلال مقطع فيديو نشرته عبر خاصية القصص القصيرة على حسابها بـ «إنستجرام»: «كلنا بندور إننا نبقى مبسوطين، قعدت أدور أنا ليه مش مبسوطة ولا سعيدة، كل الفرحة والسعادة بتاعتي نسبية، بمعنى إني أخد الجايزة الفلانة ومفيش 3 أو 4 ساعات وخلاص مفيش فرحة، السعادة في الحياة نسبية جدا ومفيش حاجة بتفضل معايا فقولت أكيد مش هي دي الدنيا».
تابعت: «قولت أنا مجتش الدنيا عبثا عشان أمشي عبثا، أنا جاية هنا عشان حاجة معينة، ومكنش عندي ثقافة دينية معنديش مجتمع يحتضني ويفهمني فأنا قعدت أدور على الحاجات دي بنفسي، وكل ما أسمع أن فيه حد بيتكلم عن الله أجري، أنا كنت عارفة أن ربنا خلق كل شيء وإني عابدة لله وكنت من بيت مقدرش أقول متدين لكن والدي والدتي كانوا بيصلوا ويصوموا لكن مبيجبروش حد أنه يعمل حاجة».
أكدت: «كنت متربية على حياة فيها العيب مش الحرام، بدأت أفكر أن ربنا شايفني وسامعني في كل وقت، وبيعرف إيه اللي جوايا، دي ثقافة مهمة جدا فيها ونس ودعم، وبيبعدك عن حاجات لإنك متحبيش يشوفك في حاجة متصحش أو ميحبهاش، وكنا بنعمل أقصى ما في وسعنا عشان نوصل للكمال قدام بشر زينا ما بالك بربنا أنا كنت بدور على النقطة دي.. وتأكدت أن الحجاب فرض أنا كنت عارفة بس تأكدت، أنا كنت رايحة وبقول يارب ما يبقى فرض لأني مش قادرة أعمله».
المصري اليوم
إنضم لقناة النيلين على واتساب
فحص الخلافات العائلية ورفع البصمات.. مواصلة التحريات لكشف ملابسات سرقة نوال الدجوى