فقدان شغف.. محمود فايز يحلل أداء الأهلي بعد الهزيمة من شباب بلوزداد

تحدث محمود فايز، مدرب منتخب مصر السابق، عن حالة النادي الأهلي الفنية بعد الهزيمة من شباب بلوزداد في لقاء الإياب بدوري أبطال أفريقيا.

وكتب محمود فايز عبر “فيسبوك”: "صفقات إيه بس اللي النادي الأهلي عايزها علشان يكسب إنبي أو حتى يحافظ على تعادله مع شباب بلوزداد في آخر دقيقتين، مع اعترافي الكامل أن الأهلي في حاجه إلى التدعيمات في بعض المراكز… مش علشان بطولة دوري أو بطولة أفريقيا (اللي بيكسبهم كل يوم حد وخميس) ولكن علشان معترك كأس العالم في يونيو".

وأضاف: “الأهلي عنده مشكلة فنية واضحة ومتكررة، والمشكلة الأكبر ذهنية، ومحدش يقدر يجزم بده إلا الموجودين في المطبخ (أوضة اللبس يعني)”.

خلصت.. نجم الزمالك السابق يؤكد تجديد عقد زيزو | تفاصيلأخطاء الشناوى كارثية.. أحمد موسى يعلق على هزيمة الأهلي من شباب بلوزداد

وتابع: “كل احتياطي الأهلي يلعب أساسي مستريح في كل أندية مصر.. ده الحارس التالت حمزة علاء يلعب أساسيا في أي نادٍ.. بيرسي تاو.. عمر الساعي.. رضا سليم.. كلهم لاعبون يتمنى ربعهم كل فرق أفريقيا”.

واستطرد: “أعتقد أن المشكلة ذهنية، تعامل، تشتت بين البطولات، فقدان شغف، إحساس بالاستحقاقية أدى إلى التعود على النعمة مع نوعية عقليات أدت إلى بلوك في التعامل مع الضغوط والأزمات فأدى إلى قلة إنتاجية أو ملل”.

واختتم: “وارجع وأكرر كلها استنتاجات محدش يقدر يجزم بحاجه أد مستر كولر وكابتن محمد رمضان.. واحد كممثل فني للفريق والآخر كممثل إداري”.

المصدر: صدى البلد