مش هتضحك هتتفاجيء| مصطفى صقر يكشف تفاصيل فيلم السادة الأفاضل
تاريخ النشر: 20th, October 2025 GMT
أكد الكاتب والسيناريست مصطفى صقر، أن تجربة "السادة الأفاضل" تعد تجربة مختلفة في الكوميديا عن بقية الأعمال التي قدمها من قبل، قائلاً: " الفيلم صحيح له خط كوميدي، لكن مش فقط إنك تضحك، لأن اللي بيقود الفيلم في الأساس وبشكل أكبر هو الحكاية، اللي فيها كوميديا وحكاية وغير متوقعة في بدايتها. مش هتبقى عارف بداية الفيلم هتوصلك لفين، وماتتخيلش إنك هتقفل في المكان ده من الحكاية أو هذا الكم من العبث اللي بيحصل في الفيلم.
وأضاف الكاتب والسيناريست مصطفى صقر، خلال لقائه ببرنامج "الصورة" الذي تقدمه الإعلامية لميس الحديدي على شاشة "النهار":"إحنا بنراهن على فكرة الاختلاف، وإن الناس تشوف حاجة جديدة أو مختلفة.
وتابع الكاتب والسيناريست مصطفى صقر، قائلاً:"أنا طول الوقت كانت أعمالي كوميدية، لكن حبيت مع المخرج كريم الشناوي أخرج عن الخط الكوميدي، فعملنا مسلسل قابيل، لكن رجعت معاه لتجربة كوميدية في فيلم السادة الأفاضل."
المصدر: صدى البلد
كلمات دلالية: مصطفى صقر السادة الأفاضل الفيلم لميس الحديدي السادة الأفاضل مصطفى صقر
إقرأ أيضاً:
ناهد السباعي عن المشاركة بفيلم السادة الأفاضل: الدور ليس بحجمه إنما التأثير
علقت الفنانة ناهد السباعي، على دورها في فيلم "السادة الأفاضل" قائلة: “العمل جماعي، ومهما زادت مساحة الأدوار أو قلت، الحكاية كلها متشابكة مع بعض صح.”
وأضافت الفنانة ناهد السباعي، خلال لقائها ببرنامج "الصورة" الذي تقدمه الإعلامية لميس الحديدي على شاشة "النهار":"عمر أهمية الدور ما كانت بمساحته، لكن بقيمته. الفيلم مش لفنان بعينه، لكنه عمل جماعي متميز، عبارة عن مجموعة من الفنانين متقابلين في عمل، وكل واحد ليه تأثير، ولو ماكنتش هأثر ماكنتش شاركت، فالدور مش بحجمه لكن بقدر تأثيره في تضفيرة العمل."
وتابعت الفنانة ناهد السباعي، قائلة:"من ضمن أمنياتي اللي تحققت في فيلم "السادة الأفاضل" هو إني أشتغل مع المخرج كريم الشناوي، لأنه بيحب الممثل وبيخليه يحس إن دوره أهم دور. أنا ماحستش إن دوري صغير أو كبير، لأن الفيلم أحداثه بتجري في وقت قصير جدًا، وبتدور في مكان واحد، فبالتالي مافيش حد دوره صغير أو كبير، لأن الأحداث كلها بتحصل في يوم واحد."
وأكملت الفنانة ناهد السباعي، أن :"الناس كلها بتشارك وبتسلم لبعض، ومن أصعب أيام التصوير إننا كنا كلنا بنستلم من بعض ونسلم لبعض، حد داخل وحد خارج."
وأضافت ممازحة:"كنت سعيدة بكمية الفنانين، كانت هيصة! دخلنا البروفة وشوفنا بعض، جالنا حالة انبهار وكنا بنقول لبعض: إيه ده! إنت معانا؟ إحنا مع بعض!"
وعن مشهد الخناقة الكبيرة قالت الفنانة ناهد السباعي ، ضاحكة:"أنا اللي اتضربت في الخناقة مش العكس!".
القصة المأساوية وراء أشهر الصور في العالم.. مشهد نسر يتربص بطفل جائع حتى الموت