أمينة خليل تكشف لأول مرة تفاصيل قصة حبها وزواجها من المصور أحمد زعتر

قالت الفنانة أمينة خليل، إنها حرصت على إقامة حفل زفاف في مصر لعائلتها وأصدقائها وزملائها في العمل، الذين تعتبرهم جزءًا من عائلتها، كما أقامت حفلًا آخر في اليونان احترامًا لخصوصية زوجها، المصور أحمد زعتر، الذي لا يفضل الأضواء.
وأضافت:"أحمد لم يختر الأضواء التي أنا فيها، لكنه اختارني أنا، وكنت حريصة أعمل إيفنت خاص في اليونان لأصدقائنا المقرّبين، من غير كاميرات ولا أضواء.

وده كان مريح ليا وليه."

وخلال لقائها في برنامج "الصورة" مع الإعلامية لميس الحديدي عبر شاشة "النهار"، علّقت أمينة على مرور أربعة أشهر من زواجها قائلة:"الأمور ماشية كويس الحمد لله. من وقت الجواز حصلت أحداث كتير، بنخرج من حاجة لحاجة، ولسه مش لاحقين نستقر. بعد ما نخلص مهرجاني الجونة والقاهرة، هنقعد شوية ونستقر في البيت."

وعن بداية علاقتها بزوجها، قالت:"اشتغلنا مع بعض زمان مرة، وبعدها فضلت بينا صداقة. وبعد فترة، اتكلمنا في التليفون وفضلنا نحكي لحد ما الموضوع اتطور واتكلل بالجواز."

أوضحت أمينة أنها تأخرت قليلًا في الزواج مقارنة بصديقاتها، وقالت:"كان في مرات النصيب مكنش مكتوب، لكن ربنا كتب لي النصيب مع أحمد زعتر. ولما وصلت للحظة اللي مابقاش فيها صراع بين القلب والعقل، عرفت إني ماشية في الطريق الصح."

وأكملت:"الصراع ده اختفى مع الوقت، من خلال نقاشات كتير. لما الواحد بيكبر، بيبص للحياة بشكل مختلف، وأولوياته بتتغير عن لما كان عنده 24 أو 25 سنة."

وعن هذه الأولويات، قالت:"بقيت شايفة إن التفاهم، وطريقة التفكير، والنقاش، وإن الشخص يكون صديقي قبل أي حاجة، دي كلها حاجات مهمة. والأمان النفسي كمان. وأنا صغيرة مكنتش بفكر بالطريقة دي."

وأضافت:"كمان الواحد لما بيكبر، بيكتشف إنه بيتجوز عيلة مش شخص بس، ولازم يكون في توافق اجتماعي بين العيلتين. الحمد لله لقيت ده كله مع أحمد."

دعم زوجها لمسيرتها الفنية:

أكدت أمينة أن زوجها يدعمها بشكل كبير رغم أنه لا يحب الظهور الإعلامي، قائلة:"أحمد بيحترم شغلي وطبيعته ومواعيده، لأنه بيشتغل في مجال الفن، حتى لو مش ممثل. هو فاهم ده كويس، وبيقدر طبيعة شغلي اللي فيها تصوير، وغياب، وتركيز شديد، ومش أي شخص ممكن يستوعب ده بسهولة."

وتابعت:"ساعات بكون في دور محتاج تركيز أو بمر بلحظة مش قادرة أتكلم فيها، وهو متفهم ده جدًا. وده بيدعمني وبيخليني أطلع أحسن ما عندي."

وعن رأيه في الأضواء من حولها، قالت:"هو مش من الناس اللي بتحب الأضواء، بالعكس شخص هادي وقليل الكلام وراسي جدًا، لكن الأضواء عليّا مش بتزعجه، وبيشجعني جدًا، وباخد رأيه في حاجات كتير."

وأضافت ضاحكة:"دلوقتي أي صورة بنزلها على السوشيال ميديا، لازم الأول يقولي (أوك). هو شخص متفاهم جدًا، وعاوزني دايمًا في أحسن صورة ونجاح."

واختتمت حديثها قائلة:"المعادلة خدت وقت، لكن فعلاً كل تأخيرة فيها خيرة، وربنا كتب لي الخير في التوقيت المناسب ومع الشخص المناسب".

هل شدّ الرحال لزيارة مساجد آل البيت مخالف للسنة؟.. أستاذ فقه يجيب استشاري: “مجموعة البرد” تسبب مضاعفات خطيرة للصحة أمينة خليل تفجر مفاجأة عن بدايتها في السينما.. ما علاقة يوسف شاهين؟ وزير العمل: حملات تفتيش لضمان تطبيق الحد الأدنى للأجور داخل المؤسسات خبير استراتيجي: انتهاك إسرائيل للسيادة والأجواء اللبنانية يدفع حزب الله للتمسك بسلاحه

المصدر: بوابة الوفد