الرئيس السيسي: كانت لدينا ثقة بانتهاء الحرب في غزة

أكد الرئيس عبد الفتاح السيسي، أنه كان واثقا من أن حرب غزة ستنتهي، لكن أهم شيء بالنسبة لنا أن يكون ما نفعله يفيد أهالي القطاع، و في مصلحة السلام.

وقال الرئيس السيسي، خلال كلمته في احتفالية وطن السلام: «عايز أقولكوا على حاجة من سنتين، لما حصل اللي حصل بقيت أقول الأيام اللي جاية أيام صعبة، كل الدعوات اللي كانت بتطلب ان احنا نقبل إن هما يمشوا من القطاع، صعب عليك إن انت تلاقي نفسك أحيانا لوحدك وبتتعامل لوحدك وبتفكر لوحدك، انا بقولكوا الكلام ده بعد ما عدى سنتين وبعد ما كانت المسؤولية صعبة».

وأضاف الرئيس السيسي: «لو عايزين نشكر نشكر صاحب الفضل، وده مش أنا، ده ربنا، ومش من دلوقتي، ده من زمان».

وأكد الرئيس السيسي أن القرار مسؤولية، وأنه كلما كانت المسؤولية كبيرة كل ما القرار يبقى خطير.

وأضاف الرئيس السيسي: «كنا متأكدين وواثقين في ربنا إن الأزمة في القطاع هتنتهي، لكن أهم حاجة كانت بالنسبةلنا، ان كل اللي بنعمله يكون في مصلحة الناس في القطاع، وفي مصلحة السلام».

وتابع حديثه قائلا: «كل أمر ليه حساباته، ولكن الحسابات مهما كانت دقيقة، ربنا هيساعد وهيسدد وكل الأمور هتمشي».

وأضاف الرئيس السيسي: «وزي ما انتو شوفتوا اللي حصل في شرم الشيخ، اللي حصل ده فيه فضل كبير من ربنا، لينا الشرف ولينا الفخر ان ربنا هو اللي يساعدنا، لما ربنا يساعدك معناه ان قضيتك عادلة، مفيش فيها ظلم، مفيش فيها افترى، مفيش فيها اعتداء على حقوق الآخرين».

وطلب الرئيس السيسي من وزارتي الداخلية والتعليم التنسيق لتنظيم زيارات للطلاب والشباب في سيناء، حيث قال: «لو سمحتوا وزارة التعليم ووزارة الداخلية ننظم لولادنا وشبابنا وشباتنا زيارات لسينا عشان يتعرفوا على تاريخنا وبطولات أهلنا هناك».

وقال الرئيس السيسي: «لازم نرحب بريتاج وكل اللي زي ريتاج».

وأكد الرئيس السيسي: «النصر مبيجيش بس بقوة الجيش، النصر بييجي أولا بقوة الشعب، الشعب هو اللي بيعين، تحيا مصر، تحيا مصر، تحيا مصر».

وشارك في احتفالية وطن السلام، نخبة من ألمع الفنانين المصريين والعرب منهم: «محمد منير وأصالة وأمال ماهر وأحمد سعد ومحمد حماقي وحمزة نمرة ومدحت صالح»، ومجموعة من ألمع الفنانين أبرزهم هشام ماجد ومصطفى غريب ومحمد سلام وأحمد غزي ونور النبوي ويوسف عمر ومصطفى عماد ومحمد سلام، كما أن هناك فقرة خاصة يقدمها أحمد غندور (الدحيح).

وتهدف احتفالية وطن السلام إلى تسليط الضوء على دور مصر المحوري في دعم السلام حول العالم، وجهودها المستمرة لتحقيق الاستقرار في فلسطين ودول أخرى.

الرئيس السيسي يبحث مع رئيس الأركان الباكستاني سبل تفادي التصعيد في الشرق الأوسط وجنوب آسيا

سفير أوكرانيا: المتحف المصري الكبير يعكس النهج الثابت للرئيس السيسي في صون التراث التاريخي لمصر

عاجل.. الرئيس السيسي يشدد على تنظيم احتفالات المتحف المصري الكبير بما يليق بمكانة الدولة

المصدر: الأسبوع