«مكنش حد غاصبه».. معتمد جمال يشكر سيد عبد الحفيظ بسبب عزاء محمد صبري

وجّه معتمد جمال، نجم الزمالك السابق، رسالة إلى سيد عبد الحفيظ، عضو مجلس إدارة النادي الأهلي، عقب وفاة محمد صبري، نجم القلعة البيضاء السابق.

وكان الوسط الرياضي قد عاش حالة من حزن شديد بعد رحيل محمد صبري الأسبوع الماضي، إثر تعرضه لحادث سير مروع أنهى حياته بمنطقة التجمع الخامس.

وقال معتمد جمال فى تصريحات تليفزيونية مع الإعلامي مهيب عبد الهادي: «بنعزي نفسنا كلنا والوسط الرياضي في شخصية زي محمد صبري من أطيب الناس، عشرة عمري، وصبري دا كان بالنسبالى أخويا، ملاعب وغرفة ملابس وأي معسكر لازم يدور عليا عشان نبقى إحنا الإثنين مع بعض».

وتابع: «الدنيا صعبة جدا من غير محمد صبري، أى حد بيبقى له جيل، صبري الوحيد اللى متعرفش جيله مين، أى لعيب هتلاقى جيله واقف معاه أكتر، وبعدين فى حاجة كل الأندية جات وبشكرهم».

واختتم: «بخص بالشكر الكابتن سيد عبد الحفيظ بشكره جدا لأنه حسيت قد إيه هو متأثر فى الجنازة والعزاء، مكنش حد غاصبه يحضر بالمناسبة، بس هو اللى كان مُصر يجي».

المصدر: الأسبوع