كان ولا حاجة.. المخرج محمد دياب يرد على تصريحه الأخير لهشام ماجد
تاريخ النشر: 17th, January 2026 GMT
علق المخرج محمد دياب على الفيديو الذى تداول خلال الأيام الماضية والذى ظهر من خلاله وهو يمازح الفنان هشام ماجد وقال امام الكاميرات “هشام كان ولا حاحة قبل اشغال شقة خالد دياب اخويا اللى رفعه دا كان تحت" ، وتسبب هذا التصريح فى موجة غضب كبيرة عبر مواقع التواصل الاجتماعي وهجوم كبير على محمد دياب.
محمد دياب يعتذر لهشام ماجد بعد تصريحه الأخير
ونشر محمد دياب فيديو عبر حسابه الرسمي عبر موقع فيسبوك ، قائلا: “اللى الناس متعرفوش إن أنا وماجد اخوات وعلاقتنا قوية جدا ببعض لدرجة ان احنا بنهزر هزار رخم عادى بنا وبين بعض بس انا فى محاولة بائسة انى ابقى كوميديان هرجت التهريج دا قدام الكاميرات الناس طبعا زعلت ولما فكرت فيها معرفش ازاى انا هرجت التهريج دا قدام الكاميرا وانا عارف الناس قد ايه بتحب هشام”.
واضاف: “هشام ماجد مش بس فنان وكوميديان كبير لكن ميعرفوش انه فنان عظيم .. وميعرفوش ان طريقة هزارنا السخيفة دى والهزار اللى بينا دا ساعات مش بيبقى ليه علاقة بالواقع لأن هشام نجم بقاله ١٥ سنة ”.
واختتم ، معلقا: “الدرس المستفاد ان انا خليني فى الجد والتهريج دا خليه لناس تانية كتير والحاجة التانية ان هشام يابخته بجمهوره اللى يستحقه لأنه بصراحة من الفنانين والبشر المفضلين ليا”.
المصدر
المصدر: صدى البلد
كلمات دلالية: محمد دياب هشام ماجد مسلسل اشغال شقة اعمال هشام ماجد محمد دیاب هشام ماجد
إقرأ أيضاً:
سامر أبو طالب يهاجم رامي صبري: مش بيرد على الرسايل
رد الملحن سامر أبو طالب بقوة على تصريحات الفنان رامي صبري، بعدم تعاونه مع بعض الملحنين والشعراء لغياب التجديد وتقديم أفكار مختلفة، مؤكداً أن الأخير "لا يفتح الشات ولا يرد على رسائل المبدعين".
وظهر سامر أبو طالب في فيديو متداول عبر حسابه بـ فيس بوك، وقال من خلاله : بقالنا كام يوم، زمايلي الملحنين والشعراء حاسين إن في تجاهل، وطلعوا اتكلموا وقالوا كلام من قلبهم، وأنا ضميت صوتي لصوتهم، والتجاهل هنا مش بنشحت من حد إنه يبص علينا أو يسمعنا، لأ، بنتكلم على إننا لما بنبعت لحد عارفنا ومسجل رقمنا، وفي بينا قعدات واشتغلنا مع بعض وبينا نجاحات، وفكرة إنك متردش أصلًا مش حلوة في حقك كـ نجم أو صانع، ممكن تقول مش عاجبني أو أي رد عادي، ده تقدير منك.
وتابع سامر أبو طالب: بحب رامي صبري على المستوى الشخصي والفني، ومحدش جاب سيرتك أصلًا لا من قريب ولا من بعيد، أنت من الناس اللي طلعت هاجمتنا وقالت معندناش جديد، لأ إحنا متطورين ومتجددين، وبشوف أنا نفسي متميز في حتتي وألحاني، أنت بس اللي مبتفتحش الشات عشان تشوف غيرك بعتلك إيه، قبل ما تتهمنا شوف بس.
وختم سامر أبو طالب: محدش جاب سيرتك أصلا لا من قريب ولا من بعيد، وأنت من الناس اللي مبتردش ولا بتفتح الشات، وإحنا متطورين ومبدعين، وأنا أشتغلت مع نجوم كبار زي الهضبة وتامر حسني وتامر عاشور.
وقد انتقد رامي صبري العديد من المبدعين الذين اشتكوا من قلة عملهم، وقال خلال ستوري عبر حسابه بـ انستجرام: عدم الرد على ملحنين ومؤلفين أو مبدعين بشكل عام، هو عدم التجديد، وإن مافيش أفكار مختلفة، مش عارف الناس مضايقة ليه من الاستوري بتاعتي رغم أنها حقيقة وأنا مش هعمل حاجة إلا لما تكون مختلفة وجديدة والمشكلة أن المطربين مش كتير يمكن ١٠ على عكس الشعراء والملحنين.
السفارة السعودية في لبنان احتفلت بـيوم التأسيس