أسماء أبو اليزيد تفتح قلبها للفجر الفني وتتحدث عن متلازمة داون ودورها المجتمعي

قالت الفنانة أسماء أبو اليزيد، إن تجربتها في الفيلم كانت مليئة بالمتعة، وتمنت أن يشعر الجمهور بنفس الشعور عند مشاهدتهم للعمل: "أنا على قد ما استمتعت بالتجربة دي، على قد ما بتمنى إن الناس لما تتفرج على الفيلم تستمتع بيه وتحبه برضه، الفيلم بسيط وجميل ومختلف، ويارب الناس تستقبله الاستقبال اللي يستاهله، ويارب شخصية 'لي لي' اللي بقدمها تكون خفيفة على قلوبكم لأنها كانت ضيفة، ويارب تبقى ضيفة لذيذة.

"

وتحدثت ‘أبو اليزيد’، في تصريحات لموقع الفجر الفني خلال العرض الخاص لفيلمها الجديد "خريطة رأس السنة" عن زميلتها في العمل ريهام عبد الغفور وفريق الفيلم، مشيدة بجهودهم الكبيرة: "والله ريهام عبد الغفور عملت حاجة محترمة جدًا، مجهود جبار، وأستاذ رامي وكل الناس اللي اشتغلوا، سواء في الشكل، الموضوع، المذاكرة، الاجتهاد أو التمثيل، كل الحاجات دي مجهود ضخم، أنا أحييها عليه من قلبي، وتستاهل كل حاجة حلوة، ويارب يكتبلها النجاح دايمًا."
 

وفي حديث صادق ومؤثر، كشفت أسماء عن علاقتها والتواصل مع الأشخاص المصابين بـمتلازمة داون، مؤكدة أهمية تسليط الضوء على جميع أشكال البشر: "أنا عارفة خلال حياتي كان عندي تواصل، سواء كلامي أو بصري، مع ناس عندها متلازمة داون، فاهمة ومتقبلة ده من بدري جدًا وده مهم جدًا، إننا نسلط الضوء على الناس اللي المفروض يكونوا جزء من المجتمع مش عاوزة أقول إنهم مختلفين، يمكن إحنا المختلفين، وهم طبيعيين وجميلين من المهم نسلط الضوء على كل أشكال البشر."

 

المصدر: بوابة الفجر