عمرو الدردير: لاعبو كرة القدم معلهمش ضغوطات تستحق الشفقة
تاريخ النشر: 7th, February 2026 GMT
أثار الناقد الرياضي عمرو الدردير، الجدل بشأن ضغط الجمهور على لاعبين كرة القدم.
وكتب الدردير عبر فيسبوك: “اللي قدامك ده لاعب نادي بيراميدز، مسافر شغله على طيارة خاصة، نايم متغطي وبيتفرج على فيلم على اللابتوب بتاعه… ربنا يزيده. دي حياة لاعب الكورة، اللي الجماهير ساعات بتنزل عليهم ضغط وتقول لازم نلتمس لهم العذر، ويشتموا بعض علشانهم”.
وتابع: “مع إن اللي عليه ضغوطات بجد هو المشجع اللي بيشتغل يوم آه ويوم لأ، والموظف الغلبان اللي مرتبه ما بيكفهوش لنص الشهر، والعامل البسيط اللي بيطلع عينه شغل 24 ساعة علشان يوفر حياة كريمة لأسرته دي الضغوطات اللي تستحق الشفقة، واللي محتاجين نلتمس لبعضينا فيها العذر علشان الدنيا تمشي في الظروف دي مش تقولي لاعب كورة اتلخبط وباصي غلط، ولما مشجع يقول عليه مش بيعرف يلعب يبقى كده حطيته تحت ضغط”.
ووصلت بعثة فريق نادي بيراميدز إلى نيجيريا استعدادا لمواجهة ريفرز يونايتد في دوري أبطال أفريقيا.
ويحل بيراميدز ضيفا على ريفرز النيجيري في السادسة من مساء الأحد على ملعب جودسويل أكابيو في مدينة أويو بنيجيريا في خامس جولات دور المجموعات لدوري الأبطال.
وقطعت الطائرة الخاصة التي وفرتها إدارة النادي الرحلة من القاهرة حتى مدينة أويو التي تستضيف المباراة في حوالي 6 ساعات، حيث من المقرر التوجه مباشرة إلى فندق الإقامة.
المصدر
المصدر: صدى البلد
كلمات دلالية: نادي بيراميدز عمرو الدردير فيسبوك جماهير كرة القدم
إقرأ أيضاً:
«ذكي وبيكافح وعنده خبرات».. إبراهيم حسن يُشيد بمحمد هاني قبل انطلاق منافسات كأس العالم
أشاد إبراهيم حسن، مدير منتخب مصر الأول لكرة القدم، بالإمكانيات التي يمتلكها محمد هاني، الظهير الأيمن للفراعنة، وذلك قبل انطلاق منافسات كأس العالم 2026.
ويشارك منتخب مصر في كأس العالم 2026، في النسخة التي ستقام بالولايات المتحدة الأمريكية وكندا والمكسيك، بمشاركة 48 منتخبًا، وذلك لأول مرة في تاريخ المونديال.
وأسفرت قرعة كأس العالم التي أجريت في مركز جون كيندي بواشنطن بأمريكا، عن وقوع منتخب مصر في المجموعة السابعة رفقة منتخبات بلجيكا ونيوزيلندا وإيران.
وقال إبراهيم حسن خلال تصريحاته لقناة أون سبورت: «محمد هاني ما شاء الله لاعب هائل وذكي جدًا، وبيكافح وبيحاول وبيوقف ضد لاعيبة كتير جدًا سواء محليًا أو دوليًا، وتركيزه عالي وشخصيته ذكية جدًا، وعنده خبرات كبيرة، وإحنا واثقين فيه ضد أي لاعب».
وأضاف: «محمد هاني مش هيتشغل لوحده، يعني مثلًا لو قدامه فينيسيوس، لو مكنش معايا زميلي والمساك ولاعب وسط الملعب مش هنجح لوحدي، مثل ما كان إسلام عيسى بيعمل في الوديات الماضية».
وأكمل: «أنا بحاول أساعد زميلي، وفيه لاعيبة محتاج إنك تساعدها، وهاني لوحده أمام لاعب كبير زي دوكو أو فينيسيوس محتاج إنك تكون قريب منه، وإحنا واثقين فيه وواثقين في كل اللاعيبة، وأي حد هيلعب إحنا واثقين فيه».
وتابع: «لو ربنا كتب لـ هاني وبدأ المباراة نتمنى له التوفيق، واللاعيبة الكبيرة كلها خطر مثل دوكو وفيني، ومش بنقلق من حد».
وذكر: "إحنا دخلنا في ليفيل تاني، وبنلعب أمام منتخبات كبيرة زي إسبانيا والبرازيل وروسيا، وكل الفرق بتلعب وفيه منافسة قوية».
واختتم مدير منتخب مصر تصريحاته قائلًا: «النتائج بتساعدك إنك تستعد للبطولة، ولازم تكون حاضر في الحدث الرسمي، وده الهدف اللي بنشتغل عليه خلال الفترة الحالية».
محللون يشرحون دلالات الظهور الدولي الأول لوزير الدفاع الأفغاني بموسكو