مؤسس "أمهات مصر" تعرض آراء وملاحظات أولياء الأمور في تطوير المراحل التعليمية
تاريخ النشر: 21st, November 2023 GMT
ايه التطوير من وجهه نظركم كأولياء أمور فيما يتعلق بالمراحل التعليمية "شكله ازاي".. شاركونا بتعليقاتكم؟، بهذه الكلمات وجهت عبير أحمد،مؤسس إتحاد أمهات مصر للنهوض بالتعليم، وإئتلاف أولياء الأمور، حديثها لأولياء الأمور.
وقالت عبير، في تصريحات صحفية، إن أولياء الأمور يشكون من الكم الكبير في المناهج المطبقة علي أبنائهم خاصة في المرحلة الإبتدائية بداية من الصف الرابع الابتدائي، مناشدة واضعي المناهج والقائمين علي عملية تطوير المناهج بمراعاة أولياء الأمور وأبنائهم وأن يتناسب التطوير مع المرحلة العمرية للتلميذ.
وانهالت عشرات التعليقات من جانب أولياء الأمور، علي صفحة إتحاد أمهات مصر للنهوض بالتعليم، وإئتلاف أولياء الأمور، حيث قالت ولي أمر: "يا ريت اللي يطور المنهج يقلل الكم في كل المواد وبالذات في المرحلة الإبتدائية عشان الطفل يقدر يستوعب َيستفاد من اللي بيدرسه وبالذات في منهج الساينس والدراسات، وبالنسبه للعربي المفروض يكون في اهتمام بالنحو ويترتب ويبقي فيه ترابط مش قاعده من الشرق وقاعده من الغرب، وتتحذف المواد اللي دراستها عايزه امكانيات اعلي من امكانيات المدرس زي ict ديه ماده عمليه محتاجه الاولاد تجرب وتتلعم مش نظري صعب الطفل يتخيل حاجه ما شفهاش".
وأضافت ولي أمر أخري: "احنا دفعة سادسة اللى هى أول دفعه فى التعديل، للاسف حشو وتكرار فى بعض المواد وقشور من كل فيلم اغنيه فى بعض المواد.. تعبنا بصراحة احنا من اولى ابتدائى ومش شايفة ابنى استفاد على عكس اخواته اللى اكبر فى الوقت ده كانوا ماسكين نفسهم ومتمكنين من دراستهم".
وذكرت ولي أمر: "ياريت نراعى أولى ثانوى ويكون تعديل لكم المواد اللى بيدرسوها يعنى ممكن نقسمها على ترمين ترم يدرسوا فى المواد العلمية وترم يدرسوا فيه المواد الأدبية لأن كم المواد كتير جدا على سنهم لأن ازاى طالب بيدرس سنين 5 مواد فاجأة يدرس 14 مادة انهى عقل ممكن يستوعب المواد دى كلها فى سنهم، نتمنى نراعى سنهم عشان ميكرهوش التعليم بجد كتير جدا عليهم مع تقليل كم الدروس طبعا عشان يقدروا يستوعبوا اللى بيدرسوه".
بينما رأت ولي أمر أخري: "أنا شايفة إن أكبر حاجة بتعوق العملية التعليمية هي ضيق الوقت مع كم المناهج ده بيخلي الطالب وولي الأمر والمدرس بيجروا مع امتحانات الشهر اللي بتضيع وقت شرح الشهر الجديد وساعتين يوميا من وقت الطالب ضايعة مع قطع الكهرباء،
العلم حلو بس الضغط هو اللي وحش".
وتابعت ولي أمر: "أنا عندي مرحلتين مختلفين عندي كي جي وتانيه اعدادي، المنهجين الصراحه كتير وتقال يعني الكي جي كميه كلمات عربي وانجليزي كتير عليهم ف السن ده، الإعدادي المنهج تقيل أو ي يعني نخفف شويه المناهج علشان الطالب يقدر يستوعب".
وقالت ولي أمر: "التطوير الحقيقي إن الطالب يطلع في النهاية حد متعلم ومثقف بجد فاهم هو كان بياخد ايه ودا استحاله يحصل مع الكم الكبير اللي في المناهج اللي بسببه الكل بيجري علي السناتر وعلي الدروس، وإن المدارس ترجع تاني هي أساس التعليم بس مش معناها اني اجبر الطلبه تروح المدرسة علشان عدد أيام الغياب والحضور ويكون دا بس اللي بنروح علشانه المدرسة وتصبح المدرسة عبأ مش اكتر وتضيع وقت، لكن ترجع المدرسة مدرسة وعلم وتعليم بجد مش تضييع وقت لازم يكون في حل قوي اكبر من اننا نقول لازم الطلبه تروح للمدرسه دون شرح".
المصدر: بوابة الفجر
إقرأ أيضاً:
إنجي كيوان تكشف عن شخصيتها في مسلسل "وننسى اللي كان" أمام ياسمين عبد العزيز
تواصل الفنانة إنجي كيوان حضورها اللافت في الدراما المصرية، حيث انضمت إلى فريق عمل مسلسل "وننسى اللي كان" المنتظر عرضه في رمضان المقبل 2026، لتقف مجددا أمام النجمة ياسمين عبد العزيز والنجم كريم فهمي، وذلك بعد النجاح الذي حققته معهما في مسلسل "وتقابل حبيب" في موسم رمضان 2025.
وتظهر إنجي كيوان في مسلسل "وننسى اللي كان" بدور مختلف وجذاب يكشف عن جانب جديد من موهبتها، حيث تجسد شخصية مركبة تحمل أبعادا درامية وإنسانية لم تقدمها من قبل، ويعكس هذا التحول في اختياراتها الفنية حرصها على كسر النمط التقليدى بالتجدد الدائم، لتؤكد أنها ليست أسيرة لنمط واحد من الأدوار، بل قادرة على التنقل بسلاسة بين الشخصيات، والظهور في كل مرة بروح جديدة تضيف لها وللمشهد الدرامي المصري.
وتواصل إنجي كيوان تأكيد حضورها على الساحة الفنية بموهبتها، وجاذبيتها الطبيعية أمام الكاميرا، حيث تميزت في كل الأعمال التي شاركت بها بأداء احترافي، يوازن بين الإحساس العالي والحضور القوي، ما جعلها من الأسماء التي تفرض احترامها بثقة وثبات على الساحة الفنية.
وكانت قد حصدت النجمة الشابة إنجي كيوان الإعجاب والإشادات، من الجمهور والنقاد، بعد أن تركت بصمة قوية في موسم دراما رمضان 2025، حيث لفتت الأنظار بأدائها اللافت في مسلسل "وتقابل حبيب"، إلى جانب تألقها في مسلسل "سيد الناس"، حيث أن نجاحها لم يأت من فراغ، بل من موهبة حقيقية تتعمق في الشخصيات التي تقدمها، وتمنح كل دور مساحته من الإحساس والصدق الفني.
وحازت إنجي كيوان على لقب "شمس الدراما المصرية" من قبل الجمهور، إذ أنها تمتلك حضورا آسرا وطاقة فنية فريدة على الشاشة، تجعلها محط أنظار الكاميرا والمشاهد في آن واحد، واستطاعت أن تخلق حالة درامية خاصة بتلقائيتها وصدقها، لا تشبه أحدا، إذ تتماهى مع الشخصيات كأنها تنبض بها، وهي فنانة لا تكرر نفسها، بل تسعى في كل عمل إلى مساحة جديدة من الإبداع والتطور، تؤكد من خلالها أنها مشروع نجمة من طراز خاص.
مسلسل "وننسى اللى كان" من تأليف عمرو محمود ياسين، وإخراج محمد حمدي الخبيري، ويشارك في بطولته نخبة من النجوم منهم: خالد سرحان، منة فضالي، ومحمد لطفي، ويعد من الأعمال المنتظرة لما يحمله من تركيبة درامية مشوقة تجمع بين الرومانسية والتشويق الاجتماعي.
الطب البيطري بكفر الشيخ يعالج 3171 حالة ضمن تعزيز الثروة الحيوانية