تفاصيل محاولة خطف فتاة على يد سائق أحد تطبيقات التوصيل.. فيديو
تاريخ النشر: 25th, February 2024 GMT
كشفت دينا إسماعيل، والدة فتاة تعرضت لمحاولة خطف من سائق أحد تطبيقات التوصيل، تفاصيل الواقعة.
وقالت دينا إسماعيل، خلال مداخلة هاتفية ببرنامج "الحكاية"، المُذاع عبر فضائية "إم بي سي مصر": "بنتي كانت نازلة من البيت في مدينتي ورايحة التجمع وركبت أوبر، وهي بتكلمني مكنتش سامعة صوتها لأن السواق مشغل أغاني صوتها عالي جدا".
وأضافت: "قولت لبنتي خلي السواق يوطي الصوت علشان أسمعك، ولما قالته كدا قل أدبه عليها.. قولتلها فى إيه قالتلى مش عارفة ماله ده.. وهى بتكلمنى قالتلى ده شكله مش طبيعى وكان بيتخانق بصوت عالي فى التليفون".
وتابعت: "السواق جاله تليفون وهي بتكلمني وكان بيتخانق ويزعق بصوت عالي في التليفون، بعدها صحابها قالولى دى عملت حادثة.. وروحت إلى مستشفى الشروق العام لقيت الأرض كلها غرقانة دم وقاطعة النفس وبيخيطوا دماغها من غير بنج".
وأكملت: "لقيت واحد واقف قالى لقيتها بتقع من العربية في طريق السويس، ووقف لها، وأول ما وقفت لها كل اللي قالته ليا 3 كلمات "أوبر كان هيخطفنى" وجالها تشنجات وبعدها فقدت الوعى".
واسترسلت: "بنتى قوية وبتعرف تتعامل مع الناس واللى خلاها تقفز من العربية أكيد حصل حاجها خوفتها خلتها تنط.. محدش من الشركة تواصل معانا ولا كلمنا".
المصدر: صدى البلد
كلمات دلالية: خطف اختطاف فتاة ام بي سي مصر برنامج الحكاية
إقرأ أيضاً:
القبض على سائق ميكروباص تعاطى الحشيش أثناء القيادة.. فيديو
كشفت الأجهزة الأمنية ملابسات مقطع فيديو تم تداوله بمواقع التواصل الإجتماعى يتضمن قيام سائق سيارة "ميكروباص" بتعاطى مخدر الحشيش حال سيره بالجيزة.
بالفحص أمكن تحديد السيارة "الميكروباص" المشار إليها وضبط قائدها مقيم بدائرة مركز شرطة الفيوم "بدون رخصة قيادة"، بمواجهته إعترف بإرتكاب الواقعة على النحو المشار إليه، تم إتخاذ الإجراءات القانونية والإدارية حيال السيارة وقائدها .
كل ما تريد معرفته عن التقديم في مدرسة الضبعة النووية ..الرابط والشروط