روحوا صلوا وادعوا ربنا.. لقاء الخميسي ترد على التعليقات المسيئة
تاريخ النشر: 12th, August 2024 GMT
حرصت الفنانة لقاء الخميسي علي مشاركة مقطع فيديو على حسابها الشخصي عبر موقع التيك توك، ترد من خلاله على التعليقات المسيئة التي تتلقاها من الجماهير عبر مواقع التواصل الاجتماعي، على الفيديوهات التي تشاركها مع متابعيها والتي تقدم فيها لهم تعليمات ونصائح في بعض الأمور المتعلقة بحياتهم.
وقالت لقاء الخميسي: نزلت شوية فيديوهات أتكلم فيها مع البنات في أشياء ممكن تفيدهم، وفي ناس لطيفة بتسأل وأنا أجيب كمان بقدر ما أستطيع وروحهم حلوة، لكن هناك أشخاص آخرين بيحبوا التدخل وإفساد المزاج ومحتاجين إلى من يصحح حالتهم النفسية ليخرج منهم المشاكل التي تجعلهم سلبيين طوال الوقت، الناس دي متصورين إنهم كدة تمام وبيقولوا آراءهم، لازم تدخل تغلط يا تـ تفه من المعلومة يا يقولوا بعض الكلمات اللي ملهاش قاموس.
تابعت لقاء الخميسي: في واحد علق في أحد الفيديوهات بيقولي إنتِ عجزتي وفاشلة، طب ما حضرتك هتعجز وكل الناس بتعجز إنت شايف إني عجزت ولكن أنا شايفة إني لسه صغيرة، النوعية اللي بتحكم على الناس وهي متعرفهاش أو حتى تعرفها مريضة، روحوا صلوا لو الصلاة هتريحكم، وادعوا ربنا تبطلعوا أحكام على الناس وسخافات وألفاظ غير لائقة وغير مهذبة، وأكيد لو كان عندك طفل أو طفلة وربتهم بالمنظر دا هيطلعوا شبهم بالظبط، وهتكون شخص مش عارف يعيش حياته ولا ينجح فراجعوا نفسكم قبل ما تكتبوا أي تعليق.
آخر أعمال لقاء الخميسي
وكان آخر أعمال لقاء الخميسي، مسلسل "إجازة مفتوحة" من نوعية أعمال الـ40 حلقة، بطولة شريف منير، وسميحة أيوب، وملك قورة، ونور محمود، ودنيا ماهر، ومراد مكرم، وكريم أبو زيد، وهشام إسماعيل، وهدى مجد، وصبا الرافعي، وألفت عمر، ومحمد العمروسي، وأحمد زكريا، وعدد من الفنانين الشباب، وتأليف أحمد محمود أبو زيد وإخراج محمد عبدالرحمن حماقي، وايضا مسلسل "زي القمر" الجزء 2 بحكاية “حتة من القمر”، كانت تجسد شخصية "قمر"، وكان هذا العمل بطولة كل من: درة، وأحمد حلاوة، وصابرين، وآيتن عامر، ومحسن منصور، ولبنى ونس، وكان هذا العمل من إخراج شيرين عادل وتأليف فداء الشندويلي.
المصدر: بوابة الفجر
كلمات دلالية: آخر أعمال لقاء الخميسي أحدث ظهور لـ لقاء الخميسي أبرز تصريحات لقاء الخميسي لقاء الخميسي لقاء الخمیسی
إقرأ أيضاً:
رمضان عبد المعز: اللي يتقي ربنا يفتح له أبواب مكنش يتخيلها.. فيديو
قال الشيخ رمضان عبد المعز، الداعية الإسلامي، في أحد برامجه، إن الحديث عن صفات المتقين مش مجرد تنظير ديني، لكنه مفتاح للفرج والخروج من الأزمات، مستشهداً بقول الله تعالى: "ومن يتق الله يجعل له مخرجاً ويرزقه من حيث لا يحتسب".
وأضاف الشيخ رمضان عبد المعز، خلال حلقة برنامج "لعلهم يفقهون"، المذاع على قناة "dmc"، اليوم السبت: "المتقين ناس عندهم ورع، يعني بيخافوا ربنا بجد وبيبُعدوا عن كل حاجة فيها شبهات، حتى لو مش حرام صريح، بس طالما فيها شُبهة، بيبعدوا عنها، زي ما النبي ﷺ قال: "فمن اتقى الشبهات فقد استبرأ لدينه وعرضه"".
وأشار إلى أن الناس كلها عارفة الحلال من الحرام، وعلّق: "ماحدش بيتصل بيسأل الشيخ: ينفع أشرب خمره؟ أو آكل خنزير؟ كلنا عارفين إن ده حرام، لكن بيحصل لبس في الأمور اللي في النص، اللي هي منطقة الشبهات".
وأوضح: "الورع مش ضعف، لكنه قوة والتزام، وأن الراعي اللي بيقرب من حدود الحمى بيعرّض نفسه إنه يقع فيه، والنبي ﷺ شبّه اللي بيقرب من الشبهات كأنه بيرعى حوالين منطقة محظورة، وممكن يقع فيها في أي لحظة".
وتابع: "المتقين بيسعوا إنهم يخلوا نفسهم دايمًا في المنطقة الآمنة، وما يقولش زي ما البعض بيقول ‘أنا مضطر’، لأن ربنا قال: ومن يتق الله يجعل له مخرجاً... يعني مهما كانت الأزمة، التقوى هي المفتاح".
وضرب مثال بالشباب، وقال: "اللي مش قادر يتجوز، والنفس بتضغط عليه، النبي ﷺ قال له يعمل إيه: فعليه بالصوم فإنه له وجاء، يعني وقاية، بدل ما يقول أنا مضطر وأدخل في الحرام".
ضابط إسرائيلي: ليس واضحا عن أي نوع من النصر نتحدث