انتصار تقدم نصائح للرجال في اللقاء الأول: أوعى تعزمها على الغدا!
تاريخ النشر: 23rd, August 2023 GMT
خاص
قدمت الفنانة المصرية انتصار نصائح للرجال، لاتباعها خلال اللقاء الأول مع أي فتاة.
وقالت انتصار في برنامجها “من غير نفسنة”: “اللقاء الأول ده يا إما هنكمل مع بعض يا إما مش هنكمل القاعدة مش العلاقة وأوعوا تقابلوا بعض وتقولوا عشاء أو غداء وأنت إياك تعزمها على غداء أو عشاء”.
وأضافت: “تقولوا هنشرب حاجة مع بعض علشان لو أنت قعدت معاها واتضايقت من حاجة زي مثلا نبرة صوتها تفاهتها أو ريحتها متبدسش في 6 ساعات لكن هتشرب حاجة في نص ساعة وتقولها هشوفك بقى وتليفونات ده لو أنت اتخنقت نتيجة غبائها وعينك مش طايقة تشوفها”، مستكملة: “لو عجبتك قولها طيب تحبي نتعشى”.
وفي رسالة للفتيات قالت: “ولو هو اللي مش عاجب البنت ترفض أنها تتعشى وتشرب حاجة وتمشي ولو عجب البنت تقوله أنا عزماك على الغداء وتلزيق المحبين ده”.
المصدر: صحيفة صدى
إقرأ أيضاً:
خالد الجندي يحذر من بث الشكوى لغير أهلها: لا تشك إلا لمن يقدّرك
حذّر الشيخ خالد الجندي، عضو المجلس الأعلى للشئون الإسلامية، من الاعتياد على بث الهموم والشكوى إلى من لا يقدّر أو يوقّر مشاعر الناس، مؤكدًا أن الإنسان يجب أن يتحرى موضع شكواه، مستشهداً بقصص الأنبياء في القرآن الكريم.
وقال عضو المجلس الأعلى للشئون الإسلامية، خلال حلقة برنامج "لعلهم يفقهون"، المذاع على قناة "dmc"، اليوم الاثنين: "لما تلاقي واحد بيجادل، ما تكملش معاه، ما تكملش، أوعى تلقي بشكايتك إلى من لا يقدرك، أوعى تلقي بمكنون صدرك إلى من لا يوقرك، أوعى تطلع اللي جواك إلى من لا يحترمك، أوعى تعبر عن آلامك وأحزانك إلى صاحب شماتة فيك، أوعى تعبر عن أمر يضايقك أمام غريمك وأمام عزولك وأمام منافسك".
وأضاف: "دي أخطاء بنعملها وبنندم عليها ندم الإبل، المعنى إنك ما تجيش لواحد أصلاً بينك وبينه عداوة وتيجي تشتكيله، هيعملك إيه؟ هيقولك إيه؟ لا تسألن بني آدم حاجة، وقف بباب من أبوابه لا تغلقه، الله يغضب إن تركت سؤاله، وبني آدم حين يُسأل يغضب".
وتابع: "شوف الشاعر بيقول إيه:
بسطتُ يديّ بالرجا والناسُ قد رقدوا
وبُتُّ أشكو إلى مولاي ما أجدُ
وقلت يا أملي في كل نائبةٍ
ومن عليه لكشف الضر أعتمدُ
أشكو إليك هموماً أنت تعلمها
مالي على حملها صبرٌ ولا جلدُ
وقد بسطتُ يديّ بالذل معتذراً
إليك يا خيرَ من مُدّت إليه يدُ
فلا تردنها يا رب خائبةً
فبحرُ جودك يروي كل من يردُ
وأكمل الجندي: "أنا عاوزك تاخد بالك، سيدنا يعقوب أولاده واقفين يجادلوا فيه، والجدل طال، والجدل زاد، القرآن عبّر بشكل تصويري وبلاغي عجيب جدًا، استخدم حرف التاء كتير جدًا في الآية عشان يوصّف إحساس الضيق، الآية قالت: (قالوا تالله تفتأ تذكر يوسف حتى تكون حرضا أو تكون من الهالكين)، شوف كم (تاء)! ده إعجاز صوتي، يخليك تتضايق من الجدل حتى وانت بتقرأه".
وأشار إلى أن سيدنا يعقوب فهم الحكمة دي كويس، وقال الكلمة اللي لازم نحطها حلقة في ودننا: "إنما أشكو بثي وحزني إلى الله"، وفسر: "البث هو إعلان الشكوى، والحزن هو كتمانها، سيدنا يعقوب قرر إنه ما يشكيش غير لله، لأن خلاص، الكلام مع الناس اللي ما تحسش بيوجع، واللي فقدوا الإحساس ما ينفعش تعاتبهم".
أردف: "يقول لك زمان عندنا: عتاب الندل اجتنابه، مش تعاتبه، لأنه هيعكنن عليك، وهيفرح فيك، وهيزيدك وجع، فاسكت، وخدها على الله، وربنا قال: وإذا خاطبهم الجاهلون قالوا سلاما... شياكة وأدب ونزاهة في الرد، وراحة نفس لا توصف".
https://www.youtube.com/watch?v=ziQoYREYrSE
مراسل تلفزيون فلسطين يتعرض لحادث دهس خلال بث مباشر (شاهد)