مروة عبد المنعم: بكلم ربنا يوميًا وبسأله ليه حبّبني في الفن؟
تاريخ النشر: 19th, May 2025 GMT
في لقاء مؤثر عبر برنامج “قعدة ستات” مع الإعلامية مروة صبري، كشفت الفنانة مروة عبد المنعم عن مشاعرها الصادقة تجاه مشوارها الفني، متحدثةً بعفوية عن معاناتها في غياب الفرص التمثيلية، رغم حبها العميق للفن.
قالت مروة خلال اللقاء:
“أنا بتكلم مع ربنا وبقوله: يا رب، أنا نفسي أشتغل، طيب ليه حببتني في الفن؟ ما أنت اللي إديتني الموهبة دي.
وأضافت: “أنا بحب لما أدعي أتكلم مع ربنا… بحس إني قريبة منه”.
كما تحدثت عن صراعها مع الأرق والقلق، قائلة:
“أنا بفكر كتير جدًا، متوترة على طول، ومش بنام. حتى لما باخد منوم، بصحى بعد ساعتين. بشتغل كتير في اليوم، بس دايمًا في حالة قلق داخلي”.
وتشارك الفنانة مروة عبد المنعم حاليًا في مسلسل “بقينا اتنين”، الذي يُعرض في 15 حلقة، ويجمعها بكوكبة من النجوم منهم شريف منير، رانيا يوسف، وميمي جمال. وتدور أحداث المسلسل في إطار اجتماعي لايت حول زوجين يمتلكان شركة دعاية وإعلان، تنتهي علاقتهما بالطلاق، وتستعرض الأحداث تداعيات الانفصال وتأثيراته النفسية.
المسلسل من تأليف أماني التونسي، إخراج طارق رفعت، وإنتاج كريم أبو ذكري بالتعاون مع الشركة المتحدة للخدمات الإعلامية
مروة عبد المنعم تتعرض الى النصبكما كشفت مروة عبد المنعم، عن تفاصيل تعرضها للنصب من مهندس ديكور قائلة: كنت عايشة في شقة إيجار وكان لازم أمشي خلال شهرين علشان رفعوا الإيجار أوي، وكان عندي شقة على المحارة ومكنش معايا فلوس أخلصها، وكان في مهندس ديكور عاملي حاجات غلط جبت مهندس غيره وقولته الغلط ده نشيله.
مروة عبد المنعم تروى تفاصيل عملية النصبوأوضحت مروة عبد المنعم : مكنش معايا غير مبلغ صغير وقولتله كل ما تشتغل هديلك فلوس، هو اشتغل على الغلط والفلوس اللي خدها محاسبش الصنايعية ومعمليش حتى الأبواب، وقعدت في شقة من غير سقف ولا باب، وكنت بقولهم أنا عايزة أعيش، ولقيت في مبلغ كبير أوي عليا واضطريت آخد قرض علشان أسدد.
مروة عبد المنعم: معنديش راجل اتسند عليهواستكملت مروة عبد المنعم: أنا معنديش راجل اتسند عليه، واللي عندي هيخاف أقوله أنا عايزة فلوس، والناس خبطت عليا قالولي الحمام بينقط قولتلهم قسما بالله ما هعمل حاجة، حسبي الله ونعم الوكيل، عشان شايفين أني لوحدي مفيش حد هيقدر عليهم.
المصدر: صدى البلد
كلمات دلالية: قعدة ستات مروة صبري مروة عبد المنعم
إقرأ أيضاً:
عبد الباسط حمودة يرثي أحمد عامر: "محترم ومؤدب.. عمره ما شرب سيجارة وكان بيجري لعياله"
عبّر الفنان الشعبي عبد الباسط حمودة عن حزنه الشديد لرحيل المطرب الشاب أحمد عامر، الذي توفي بشكل مفاجئ، ما أثار حالة من الحزن بين جمهوره وأصدقائه في الوسط الفني.
وفي فيديو مؤثر نشره عبر حسابه على "تيك توك"، قال عبد الباسط:
"صحيت على خبر مؤلم جدًا.. أحمد عامر ابني، إنسان محترم ومؤدب، حزنت عليه أوي. كان بيخاف يشرب ميه ساقعة، عمره ما قرب من السيجارة، وأقسم بالله ما شربها في حياته، وكان بيخلص شغله ويجري على بيته علشان عياله".
وتابع قائلًا:
"أحمد عامر أسطورة مش هتتكرر، ربنا يرحمه ويجعل مثواه الجنة. كان من الشخصيات الراقية والمحترمة جدًا، وكلنا بندعيله بالرحمة. البقاء لله، وده قدر ربنا".
وكان خبر وفاة المطرب أحمد عامر قد صدم جمهوره ومحبيه، بعد أن رحل بشكل مفاجئ أمس، تاركًا خلفه حالة من الحزن والأسى في الأوساط الفنية والشعبية.
مسلحون قبليون يقتلون اثنين من أبناء همدان في الجوف