كلمات بحق الوزير خالد البكار

صراحة نيوز- كتب م. راني الطوره

يا ريت الحصان من خيلنا .

خلّونا نوفّر على حالنا مسرحية “الغضب الأخلاقي” الموسمي .

في الأردن **كلنا** نعرف الحقيقة ، لكن مش كلنا بنحب نعترف فيها :
الواسطة ما فرضت حالها علينا ،
إحنا اللي فتحنالها الباب ، وفرشنا إلها السجّاد .

نغضب لما الاسم مش اسمنا ،
ونصمت لما يكون “من جماعتنا”.

نرفع شعار العدالة ،
لكن في العمق بنقصد : *ليش هو وإحنا لا؟*

نستشهد بالدول المتقدمة؟
الدول المتقدمة ما بتشتغل بالنفاق .
هناك القانون واضح ،
وهون الأعذار جاهزة .

في الانتخابات نبيع الصوت بالفلوس او بووعد بوظيفه او بعقد شراء خدمات ،
وبعدها نستغرب ليش المجلس مش مع المواطن ليش كل نائب بدور مصلحته بعطاء او بوزاره بس يخلص من مجلس النواب .
نستقبل المسؤول ، وبنعمل اله هُليله ونحن عارفين انه زيارته ما منها فايده للمنطقه بتركض تتصوّر معه ،
وتحكي للناس : *“بعرفه”*،
وهو لو شافك مرة ثانية ما بتذكر الاسم .

نهاجم الفساد كفكرة ،
ونحتضنه كشخص .
نلعن المحسوبية كشعار ،
ونمارسها كحق مكتسب .

والأوضح من هيك :
في كل محافظة تقريباً ،
إحنا أنفسنا بنطالب نوّابنا ، ووزراءنا ، وأعياننا ، ورؤساء بلدياتنا وأعضاء مجالس المحافظات .
إنهم يكونوا **أقوى نفوذاً ، وأصحاب واسطات ،
وإن “يعرفوا من وين تُؤكل الكتف”**
وإن يكون الفساد ـ بصراحة موجعة ـ جزءاً من أدواتهم ،
مش حبّاً فيه ،
بل عشان “يزبّطونا” بكل معاملة ،
ويمشّوا مصالح مناطقنا ،
ويفتحوا الأبواب اللي القانون سكّرها .

يعني باختصار :
نلعن الفساد بالنهار ،
ونطلبه بالليل .

وهون ، لما يوصل الحديث إلى ##خالد البكار**،
بصير الهجوم أسهل من التفكير .
الزلمة اشتغل ،
وشايل حمل ،
وبتعب الزلم وراه قد ما يقولوا عنه زلمه ،
وما كان يوماً متوارياً خلف الضجيج .

وإذا فتح باباً لأهل الغور؟
فهاي مش محسوبية ،
هاي **تصحيح مسار متأخر**.
ناس إلهم عقود طويلة منسيين ،
ولا حد تذكّرهم إلا وقت الكلام .

عين يا #خالد…
وين ما تكون في فرصة لغوراني ، **حطّه**،
ولا تلتفت وراك ،
ولا تعتذر ،
لأن كثير غيرك بزبط أهله ،
وبس الفرق إنهم بضحكوا علينا انهم قرامي بلد .

وآخر الحكي…
مش مطلوب منك تكون مثالياً ،
ولا ترضي الجميع ،
المطلوب تضل واقف وتشتغل .

ويا ريت في زيّك في كل منطقة أردنية ##واحد بس**،
واحد يشتغل وما يصرخ ،
يشيل همّ منطقته بدون ما يتاجر فيها ،
ويعرف إن المنصب خدمة… مش صورة .

لو في بكل محافظة واحد بهالعقلية ،
كان خفّ الضجيج ،
وكثُر الشغل ،
وصارت المحاسبة أهدى… وأصدق .

هاي مش مرافعة عن شخص ،
ولا هجوم على اسم ،
هاي مواجهة مع حالنا :
إننا ##كلنا** جزء من المشكلة ،
ومش كلنا مستعدين نكون جزءاً من الحل .

واللي وجعه الكلام ؟
يمكن لأنه لمس الجرح الصح .

حتى المعارضين من الأحزاب الاسلاميه واليساريه بزبطو بعض وبعينوا بعض وما بعينو واحد من خارج جماعتهم وكلنا شفنا معارضين وأصحاب اجنده خارجيه استلمو وزراء واعيان هي وقفت عليه وهو زلمه من حالاتنا ابن منطقه شعبيه طلع بذراعه طلع من الصفر من وضع مالي سيء اتغرب واشتغل ونزل للنيابه وتحارب وحاولوا يفشلو قرامي منطقته .. ومع هيك كافح وزلمه عقليه مفتحه وصاحب لسان جريء وما عليه ملف فساد .
وابدع في وزارة العمل مش زي غيرو شغل سوالف وما عمل ولا اتفاقيه .

لا تهاجر يا خالد ????

المصدر: صراحة نيوز