حملة للتشويه… شقيق شيرين يكشف أسرارًا عن حالتها
تاريخ النشر: 15th, January 2026 GMT
نشر شقيق شيرين عبد الوهاب تعليقا جديدا عبر صفحتها على موقع التواصل الاجتماعي فيسبوك يوضح فيه بعض التفاصيل الخاصة بالفنانة.
قال محمد شقيق شيرين عبد الوهاب : "اقسم بالله العظيم 90% من الأخبار مغلوطة وغير صحيحة تماما والناس اللي بتاجر بيها في البرامج والمداخلات، محدش ساعد غير اتنين أحمد سعد وزينة بس ومحمود الليثي كان كل يوم عندها".
وأضاف شقيق شيرين عبد الوهاب: "إحنا بقي بعيد ليه عشان اللي انته شايفينه ده حياتها عبارة عن حرب إحنا لما تدخلنا في سنة 2022 من اربع سنين اتقال علينا ايه اننا نهبناها ومستفدين وناس وحشين طيب ماشي نجحوا انهم يبوظوا علاجها، وبعد أربع سنين ناس تانيه غيرنا أهم فنانين ومعروفين وملهمش مصلحة اللي بيدور معاهم جابوا كل تاريخهم القديم ودول كذا وكذا وإزاي دول اللي يعالجوها مين بقي اللي ليه مصلحة يطلع يشوه الناس دي زي ما شوهنا من قبلهم واللي طالع يقول مش صح انها تروح بيت صحبها كله بيتاجر عرفت منين حضرتك أنها راحت عندها ومتأكد أوى".
وأوضح شقيق شيرين عبد الوهاب: زينة عدت عليها يوم قالتلها أنا حاسه إني تعبانه قلتلها المستشفي أهي قريبة يلا بينا راحت واطمنت عليها وهما هناك الدكاتره طلبوا منظار خدت بينج وماكنتش قادرة تركب العربية خدوها بسيارة إسعاف لحد بيتها دي كل الحكاية.. الصحافيين بتوعنا بقي عرفوا إزاي عشان بيجندوا ممرضين في معظم المستشفيات.. تشوف حد مشهور عرفني بس وليك الحلاوة بس وكله بقي كتب وألف علي مزاجه، ليه بقي تحديدا الاتنين دول واقفين جمبها بجد عشان دول عشرة العمر نعرف بعض من قبل ما حد فيهم يبقي معروف من زمان عشره وستر وغطا وحاجات كتير أوى أي حد تاني بقي كله بيتاجر بيها الناس دي بقي دلوقتي هتزعل مني جدا عشان مكنوش عايزين حد يعرف أي حاجة عشان ميتفهموش غلط".
المصدر
المصدر: صدى البلد
كلمات دلالية: شيرين عبد الوهاب شقيق شيرين ازمة شيرين الصحية شقیق شیرین عبد الوهاب
إقرأ أيضاً:
«بقت مهمة بعد ما ماتت».. ريهام سعيد توجه رسالة نارية بعد وفاة سهام جلال
«بقت مهمة بعد ما ماتت» بهذه الكلمات أبدت الإعلامية ريهام سعيد، استيائها وغضبها من الإهمال الذي حاوط الفنانة سهام جلال قبل وفاتها، حيث عانت من قلة فرص الأعمال الفنية خلال السنوات الماضية.
ريهام سعيد توجه رسالة نارية بعد وفاة سهام جلال
ونشرت ريهام سعيد منشور تضمن رسالة عبر حسابها بموقع «فيسبوك»، وكتبت: «دلوقتي بقت مهمة و أخبارها في كل مكان؟ عشان ماتت خلاص ففي حاجة نتكلم فيها؟ عشان هانصور الجنازة والعزاء وهيدخل لنا دولارات؟ ياما كانت عايزة تظهر وفيديوهات وسوشيال ميديا وبتحاول تقول أنا أهو».
وتابعت قائلة: «بس للأسف التمثيل بالذات الناس بتتفق مين يشتعل ومين يقعد في البيت، طلبت المساعدة من الزملاء وهي عارفة أنه محدش بيساعد غير لو في مصلحة».
وأبدت ريهام سعيد بالاهتمام المفاجئ بـ سهام جلال بعد وفاتها: «بقت مهمة وأخبارها كتير بعد ما ماتت، بقت مهمة عشان ماتت لكن وهي عايشه وسطينا بتحاول تقول أنا موهوبة وموجودة محدش عبرها وخصوصا إن الي بيشتغل شغلنا ده مابيعرفش يشتغل حاجة تانية».
وأنهت ريهام سعيد رسالتها بقولها: «لازم نموت عشان نتقدر، لازم نموت عشان نتقدر ياما خرجت محدش صورها بس دلوقتي ملمومين حوالين نعشها عشان يتسابقوا يصوروها وهي جثة، في رخص كده؟ الله يرحمك أكيد روحتي للأحسن والأعظم والأرحم».
ولاقت رسالة ريهام سعيد تفاعلا واسعا من قبل متابعيها، حيث أيدوا كلماتها معبرين عن أسفهم لما عاشته سهام جلال قبل وفاتها.
رحيل سهام جلالورحلت الفنانة سهام جلال عن عالمنا فجر اليوم الثلاثاء، عن عمر ناهز 54 عام، وذلك بعد تعرضها لأزمة صحية دخلت على أثرها المستشفى تاركة وراءها مجموعة من الأعمال الفنية التى ستظل محفورة فى ذاكرة الجمهور.
اقرأ أيضاًبعد وفاة سهام جلال.. وائل عبد العزيز يوجه رسالة حادة لـ فنان شهير
بعد وفاة سهام جلال.. عبير صبري: " لحد أمتى الفنانين هيموتوا مقهورين"
رحيل مفاجئ يهز الوسط الفني.. ماذا حدث لـ سهام جلال في ساعاتها الأخيرة؟
محللون يشرحون دلالات الظهور الدولي الأول لوزير الدفاع الأفغاني بموسكو