كيمياء نوبل ، وقهوة أمي

#كيمياء_نوبل ، و #قهوة_أمي

د. #حسام_عودات

للشاي نكهة كأنها ليبتون ، ورشفاته شهد في صباح المتعبين

الكل بتغزّل بالقهوة ، لكن #الشاي يا حرام ، ولا حدا بجيب سيرته ،

مقالات ذات صلة السعر ٩،٩٩ 2025/10/27

مع إنه رفيق طفولتنا وكهولتنا ، وصدقوني أنا شخصيا ما تعودت على شرب القهوة الا على سن ال ٢٣

حتى بذكر بامتحانات التوجيهي الفصل الأول طلبنا قهوة

عشان نظل مصحصحين بالقراية ، وما كان فيه قهوة بالدار ( القهوة أصلا ما كانت من محتويات مطبخ مامي )

راحت أمي على دار اخوالي بعز البرد بدون ما تخبرنا ، كونه أبوي كان ممرض ومناوب .

جابت قهوة ، وعملتها على طريقة الملوخية بكاسة شراب ، حتى أعظم المختبرات ما كانت قادرة تعمل مثل هيك كاسة ، يعني معلقات وتراكيز مختلفة بكل شفّه . وبتستحق عليها جائزة نوبل

المهم أخوي خلص كاسة القهوة وحط راسه ونام ، وأنا ظليت صاحي ، بس ما فيه تركيز .

يعني جبران وشوبنهاور وياغي ، لو يشربوا شنينه بطلع معهم إنجازات ، والقهوة ما إلها دخل ، لا بجلسات تأمل وعشق ، ولا بإبداع .

أكيد بحب القهوة ، بس ما ننسى رفيق الزعتر والطفولة شاي الغزالين

طابت أوقاتكم

المصدر: سواليف