«فراقك مش هيكون سهل».. شقيقة صلاح رمزي تنعيه برسالة مؤثرة

نعت المنتجة شهد رمزي، شقيقها الراحل صلاح رمزي، الذي وافته المنية خلال الأيام الماضية.

وشاركت شهد رمزي، صورة تجمعها بشقيقها عبر صفحتها الرسمية على موقع التواصل الاجتماعي «انستجرام»، وكتب عليها: «فراقك مش هيكون أسهل مع الأيام بالعكس هيكون أصعب بكتير كل يوم، وجودك كان كفاية، كلامك الحلو والله كان كفاية».

View this post on Instagram

A post shared by Shahd Ramzy (@shahdmramzy)

وتابعت: «حبك كان كفاية، كنت الحاجة الوحيدة اللي بتحسسني بالحب اللا محدود، كنت بتعوضني عن فقدان أبويا، مش قادرة اتخيل إني مش هشوفك تاني، ولا عارفه أصدق ولا عارفه هكمل اللي باقي من عمري إزاي من غيرك، اتولدت لقيتك وكنا طول عمرنا 4، عمرنا ما هنبقى 3 يا صلاح، هتفضل موجود معايا في كل حاجة، بحبك وبموت فيك وبعشقك».

وأضافت: «مش عارفه أنام يا صلاح. الابتلاء المرة دي أقوى من أي حاجة والحمد لله علي كل حاجة، الحمد لله إني عشت معاك أحلي أيامي وحياتي، الحمد لله إني أختك يا أحلى وأحن وأجمل أخ في الكون، وحشتني أوي أوي أوي».

وفاة صلاح رمزي

وتوفى صلاح رمزي، يوم الأربعاء الماضي، بعد رحلة طويلة مع المرض، وأعلن شقيقه شريف رمزي عن خبر الوفاة من خلال حسابه بموقع «إنستجرام»، قائلا: «البقاء والدوام لله توفى إلى رحمة الله أخويا صلاح رمزي ادعوا له».

اقرأ أيضاًبحضور نجوم الفن.. مشاهد من عزاء الراحل صلاح رمزي

وفاة صلاح رمزي.. موعد ومكان العزاء

رحل بعد غيبوبة استمرت عامين.. من هو الراحل صلاح رمزي؟

المصدر: الأسبوع