فرح الزاهد: السوشيال ميديا بتجيب اكتئاب.. وأنا دايما بشوف عيوبي

كشفت الفنانة فرح الزاهد عن طبيعة علاقتها بالسوشيال ميديا، بالإضافة إلى العديد من جوانب حياتها الشخصية والفنية، خلال مداخلة هاتفية مع برنامج «الستات مايعرفوش يكدبوا»، المذاع عبر فضائية«CBC»، مساء اليوم.

وقالت الزاهد: «السوشيال ميديا يا جماعة بتجيب اكتئاب.. أنا حتى معنديش فيسبوك»، موضحه أنه في بعض الأحيان يتم الاستفادة من السوشيال ميديا.

فرح الزاهد

وتابعت فرح حديثها عن عيوب السوشيال ميديا قائلة: «محدش بيحب يشير الفشل بتاعه، وتلاقي كل الناس ناجحة فاجئة، فتحس إنك أقل من الناس، والناس بتقيس على كده حياتها الحقيقية».

فرح الزاهد: مش بحب اسمع المجاملات

وكشفت فرح، عن كيفية ارتقاءها بمستواها الفني قائلة: «أنا دايمًا بشوف عيوبي، وفي فيلم شوجر دادي أول تجربة سينمائية ليا الناس اتبسطت وقالوا لي أنتي كنتي حلوة ولذيذة لكن أنا شفت حاجات الناس ما شافتهاش، ومش بحب اسمع المجاملات، بدور على الحاجة اللي مش مظبوطة وأظبطها، واتعلمت من أخطائي في شوجر دادي في عصابة عظيمة، وأهلي أعجبوا جدًا بأدائي، وسألتهم عن الحاجة اللي مش عاجباهم وأنا راضية عن نفسي في الفيلم».

وأضافت: «أتعلمت من إسعاد يونس أن الممثلين الضعاف بيدوا مشاعر كتير أوي في مشهد، والممثل القوي بيتحكم في مشاعره، في مشهد ماستر سين بيني وبين كريم عفيفي ده ممكن أعيط فيه من أوله لآخره، لكن المخرج وائل إحسان قالي سيطري واكتمي العياط، ولما عملت كده الناس قالوا طلع أحلى من لو كنت عيطت فيه من أوله لآخره».

اقرأ أيضاًفرح الزاهد عن فيلم «البطة الصفرا»: مغامرة جميلة يحمل رسائل عديدة.. فيديو

فرح الزاهد عن أول بطولة مطلقة في «بينا اتفاق»: الحمدلله عجب الناس

المصدر: الأسبوع