نزار العقيلي: (قصة زول عندو موعد)
تاريخ النشر: 12th, August 2023 GMT
من خلال تجربتي الشخصية في العسكرية الامتدت قرابة الاربعتاشر سنة داخل السودان بداية بمدرسة الإستخبارات بالقيادة و مرورا بالشرطة و مباحثها كنت شاهد و مشارك في عدة عمليات و احداث عسكرية و جنائية من مسارح عمليات لمسارح جريمة .. التجارب دي علمتني كتير خلاص .. علمتني إنو في ضباط و عساكر لا يمكن تقدر تعرف قيمتهم و معدنهم إلا في المعارك و المداهمات .
الزول ده من اولاد نهر النيل منطقة ابو سليم بالدامر .. كان زمان في هيئة العمليات بالجهاز و نزل منها قبل ٨ سنوات .. كان يجيد استخدام جميع انواع الاسلحة و محترف في قتال و فنون حرب المدن .. و لامن القائد العام للجيش اعلن نداء الجيش كان اول زول يلبي النداء و يمشي يقدم نفسه و يدق كراعو بمعهد و قيادة المدفعية و يقدم كل اوراقه .. ناس المدفعية قالو ليهو لامن نجهز الموجودين و نفوجهم للخرطوم ح نتصل عليك .. قال ليهم ( ما عندي تلفون ) قالوا ليهو راجعنا كل اسبوع .. لكن الزول ده ما قدر يصبر .. نفذ مخزون الصبر عنده .. قلت ليكم امبارح في ناس ما بتقدر تستحمل انو تسمع و تشوف الكوماج و تقعد ساي .. اها الزول ده ما قدر يقعد .. مش الحج عندو منادي .. كمان الشهادة عندها منادي .. ما اي زول بنادوهو ( حي على الفداء ) .
الزول ده لا عندو تلفون ولا عندو حق مواصلات .. جازف ملح لحدي شندي و من شندي ملح لحدي امدرمان و شالها كداري لحدي العرين في وادي سيدنا .. وصل هناك بي هدومه اللابسها و شهادات خبرته في كيس بلاستيك .. و طوالي انخرط مع اخوانه و دخل معركة امدرمان الاخيرة .. كان بيغطي على اخوانه و يتقدم و يمسح ليهم السكة بكل جسارة و سط امطار الرصاص لحدي ما ارتقى شهيدا” .. لحدي ما حقق هدفه و نال مراده .. ما وقفته ٣٥٠ كيلو متر من تحقيق هدفه و تلبية النداء .. ما وقفه الفلس و عدم التلفون .. ما عمل لينا لايف و هو ماشي يسلم نفسه .. ما اخد ليهو سيلفي قدام المدفعية عطبرة .. كان عنده موعد مع الشهادة في امدرمان ما بيقدر يخلفو .. ما بيقدر يتأخر .. و اختلط دمه بي مطر امدرمان و ترابها .. و فدى اخوانه القبضو العميد المتمرد حمدان .
زول لا عندو قروش ولا عندو تلفون .. عنده خبرته القتالية بس .. كان ممكن بي خبرته يبيع القضية و يلتحق بالمليشيا ذي النقيب الباع وطنه عشان بطنه .. كان ح يشيل احدث تلفون و يركب احدث موديل و يشتري احسن بيت .. لكن اختار آخرته .. اختار الوطن .. اختار الشهادة .
ربنا يتقبلك الحبيب البطل الشهيد عبد الرازق البحاري .. ربنا يعوض شبابك بالجنة .. قدمت لينا دروس و عبر في التجرد و الشجاعة و الإستبسال و الوطنية .
نزار العقيلي
المصدر: موقع النيلين
إقرأ أيضاً:
حكومة الشمالية تهنئ الناجحين فى الشهادة السودانية وتجدد دعمها للتعليم
هنأ ممثل والي الشمالية مدير عام وزارة التربية والتعليم الاستاذ التجاني إبراهيم محمد عز الدين جميع الطلاب والطالبات الناجحين فى إمتحانات الشهادة السودانية المؤجلة للعام 2023م وأكد أن الطالبة إسراء احمد حيدر من مدرسة المتفوقات الثانوية بنات بدنقلا رفعت أسم الولاية والمدرسة عاليا بأحرازها المركز الأول على مستوى السودان بنسبة نجاح 97.1% .وأشار لدى مخاطبته الخميس إحتفال مدرسة المتفوقات الثانوية بنات بدنقلا بتكريم الطالبة إسراء احمد حيدر أولى الشهادة السودانية وتكريم متفوقات دفعة التميز للعام 2023م تحت شعار (الثبات على القمة) أشار الى أن النتيجة التى حققتها الولاية الشمالية فى إمتحانات الشهادة السودانية المؤجلة للعام 2023م تعتبر نتيجة متميزة ومشرفة بكل المقاييس واضاف أن نسبة النجاح العام 82.7% ونسبة التحصيل 66.2% واشاد بجهود إدارة مدرسة المتفوقات الثانوية بنات بدنقلا بقيادة مديرة المدرسة الاستاذة رندا الشيخ على تفوقها وصدارتها فى كل عام .وجدد ممثل والي الشمالية مدير عام وزارة التربية والتعليم مواصلة دعم حكومة الولاية وإهتمامها بقضايا التعليم حتى تحافظ الولاية على موقعها المتميز والصدارى في مجال التعليم .من جانبها هنأت مديرة مدرسة المتفوقات الثانوية بنات الطالبة إسراء احمد حيدر أولى الشهادة السودانية وجميع طالبات المدرسة اللائي تفوقن فى إمتحانات الشهادة السودانية للعام 2023م وبنسبة نجاح 100% وتحصيل 85.5% واكدت أن النتيجة المشرفة التى حققتها المدرسة جاءت بفضل الله تعالى أولا ثم بجهود معلمى المدرسة والعاملين وأولياء الطالبات واكدت مواصلة عزم المدرسة وتمسكها بالنجاح والتفوق والصدارة .هذا وكان ممثل والي الشمالية الاستاذ التجانى إبراهيم قد قام بحضور عدد من اعضاء حكومة الولاية ورئيس اللجنة العليا للاستنفار والمقاومة الشعبية بالولاية الفريق ركن مهندس دكتور صالح يسن صالح بتكريم متفوقات المدرسة وعلى رأسهم الطالبة إسراء احمد حيدر كما قامت العديد من المؤسسات والجهات والمنظمات بتكريم الاستاذة رندا الشيخ مديرة مدرسة المتفوقات الثانوية بنات بدنقلا .سونا إنضم لقناة النيلين على واتساب
تأجيل محاكمة عاطل بتهمة قتل سيدة فى القناطر الخيرية للخميس المقبل