علي جمعة: "بلاش ندوس على الرجالة واحنا بندي المرأة حقوقها" (فيديو)

أجاب الدكتور على جمعة، مفتى الديار المصرية السابق، على تسأل لطفلة حول ليه الزوجة مجبرة على طاعة زوجها، وعدم طاعة الست للراجل تأثم عليها ولو هو غير موافق على صيامها يبقى باطل؟.  

"ليه النساء أكثر أهل النار".. علي جمعة يوضح (فيديو) طفل يسأل: لماذا الرجل يرث أكثر من المرأة؟.. علي جمعة يجيب (فيديو)

وقال "جمعة"، خلال تقديمه برنامج "نور الدين"، المذاع عبر القناة الأولى، اليوم الاثنين،: "إحنا في الحياة الدنيا، أي واحدة ست لها كل الحقوق والخيارات وكل حاجة، وكمان الراجل له كل الحقوق والخيارات وكل حاجة، إلا لما يتدخلوا في الزواج بقيوا في شركة وأسرة فيها دوائر متعارضة يجب ترتيبها علشان الحياة تمشى".

وأضاف مفتي الديار المصرية السابق، أن الشرع حرم إجبار الفتاة على الزواج من أي شخص لا تريده، معقبًا: "حضرتك كأنثى أنتِ حرة، لكن انتِ أردتى الزواج علشان في دافع أمومة جواكى وعندك دافع تكونى ربة منزل، ده اختيارك بقى في بنى آدم تانى فهو مش كيس جوافة، مش عاوزين واحنا بندى المرأة  حقوقها ندوس على الرجالة".

وأوضح: "قائد السفينة في البيت يكون مين لازم يكون حر الحركة، الأستاذة حملت وولدت ونفسه، وتعاني الموت وهى بتخلف، وعندنا إحدى الكاتبات قالت ده كلام سليم وعملت رواية تعترض على ربنا، طيب عاوزين إيه مفيش ربنا، طيب مفيش ربنا هتبقى الدنيا مقلب وسودا".

وأردف،: "الشركة لازم ليكون قائد يكون مسئول عن النفقة والرعاية والحماية وستات الأرض كلهم بتحب كده، إنما يحصل أمتى لما يحصل خلاف وتكون عاوزه تمشى اللى في دماغها، وكل ده محتاج اللى تعديل حتى نصل إلى سعادة الدارين، وابقى وانا بشتغل مبسوط، وساعات مش بنكون منصفين".

المصدر: بوابة الفجر