إبداعات|| وإحنا داخلين المدافن.. خالد الشريف فرشوط (قنا)
تاريخ النشر: 28th, December 2024 GMT
تابع أحدث الأخبار عبر تطبيق
قصيدة رثاء لصديقي عليه رحمة الله "أحمد حاتم"
متقومش من قعدتك
حدش غريب يا أحمد
دول كلهم صُحبتك
يرموا عليك السلام
يتونسوا بضحكتك
هيسلموا ويمشوا
تتعبش روحك فـ الكلام
حدش غريب يا أحمد
عبدالله ماله؟
عبدالله غطا الدمع رِمشه
فهد ومراد وصُحبتك ويااه
مصطفى ؟
مانت عارف مصطفى
طول عمره يكتم فـ الزعل جواه
يبكي ولا يبانش عليه
اطمن
ساعتين وهيتغلب حُزنه
كل الدموع تجري فـ عنيه
وأبوسحلي جالك م البلد مخصوص
قالي: غيلان الحزن لسه جعانه
يا خالد لو كان العمرده بفلوس
كان زمان أحمد معانا
عزازي مش عارف يعزي نفسه بإيه ؟
الحزن واقف بين حباب عنيه
همام ضباب الحكمة غمى عليه
قال: سبحانه خلق الموت ده ليه؟
يقصدش خالص يعترض ع الحكم
" لا يُسأل المالك عن الملكوت "
كان بيتأمل رحمته في الموت
ويقول يا خالد: شوف رحمته
" يونس حبيبه كان فـ بطن الحوت "
بنعزي روحنا في الفراق
مش فيك
ونقول " آمنا "
والحزن برضه مسيره بايش
وانت أهو.
لسه اهو وسطينا عايش
صُحبة حلوة وناس تحبك
ف العزا كان كله واقف
كله ده موجود وحابك
ناس تبانلك في المواقف
زي ما تكون لسه واقف
متخفش واطمن
امسك كتابك باليمين
التعب يشفع كشوفك
كنت تعبان يصحبي لكن
كان علي عنده الأمل
يرجع يشوفك..
ملحقتش.. تودع صحابك قبل ما تسيبهم
وأنا عارف ان الحتة دي حزاك
نتلاقى بكرة ف الجنة وحاسبهم
إزاي قبل الفرح وقفوا فـ عزاك؟
بس أقولك
قبل ما تكمل
إحنا أهو جاييين نسلم
مش عاوز يصحبي أقلبها غم
بس عارف لما جينا
غبنا فترة وإتلاقينا
كان ناقصنا حتى رنك
شوفناك بخير اهو يعم
كانوا ليه قلقونا عنك؟
اعزم صحابك في الجنان ع النهر
خلي الحساب يصحبي ع النوتة
ده اللي اتدفن يا صاحبي ف صحابه !
بالذمة دي تتسمى موتة؟
واحنا داخلين المدافن
شوفت قلبي بيترعش
والخوف ماليه
والخوف ما / ليه
وعرفت ان الوداع
لازمه سلام الحبيب
قبل ما تفوته..
وفهمت إن اللى ما يكسرك لو حي
يكسرك موته..
وفهمت إن اللى ما يكسرك لو حي
راح يكسرك موته..
المصدر: البوابة نيوز
كلمات دلالية: إبداعات خالد الشريف فرشوط قنا
إقرأ أيضاً:
الليلة يا بقال حالتك لاتسر عدو لاصديق
الليلة يابقال حالتك لاتسر عدو لاصديق اشاوسك ذاتهم قالو ده ماانت وأنت بتحاول تثبت ليهم انك ياهو بقال . وبتتحسر على عربتك وبيتك وحصاد عمرك . قعدت تتحدى الجيش وإنك ماحاتطلع من بيتك ووو. البوريك انك كنت معيش نفسك في وهم وأنك مسؤل كبير في الدعم وتغش في روحك وأنك والي ولاية الخرطوم وأنت عارف انك لاتسوى عندهم في الدعم جناح بعوضة والبوضح كده كلامك اليوم لما كتبت(( إذا في انسحاب كان تورونا ووووو)) اها بعد الفصاحة والبلاغة والدفاع عنهم واجهزت اللاسلكي الكنت بتتحاوم وتتصور بيهم مشو خلوك ولا قالو ليك ورح . اها هسه عردت ماشي هناك وين وأنت عارف الموراليين ماشين لقدام جايين دارفور اها حاتركز تقابلهم ولا حاتواصل جري تخش لدول الجوار . انت عارف نصيحتي ليك قبل تدخل في حاله نفسيه امشي اقعد تحت ضل شجرة كارب وصلي ركعتين وفكر بعقلك وأول حاجه اطلب العفو من اي زول سرقو الدعامة عربته ونهبو بيته وفقد حصاد عمره الانت كنت واليها في الخيال وبعدها قرر تواصل مع الانسحبو وماقالو ليك انسحبنا ولا ترجع مواطن عادي ولا تصبح لاجيء كل الخيارات ليك متاحه وعموما ربنا الله يقبل ويغفر الذنوب جميعا إلا ان يشرك به .
علي ميرغني Ali Mirghani
إنضم لقناة النيلين على واتساب
اللواء شقير: ستعود المناطق المحتلة في الجنوب الى الدولة وأهلها