في عيد ميلادها.. هالة صدقي تكشف تعرضها لسرقات وصدمات
تاريخ النشر: 2nd, June 2024 GMT
متابعة بتجــرد: عادت الفنانة هالة صدقي إلى الظهور في مقاطع مصّورة عبر حساباتها على شبكات التواصل الاجتماعي بعد غياب طويل، كاشفةً مرورها بعام تقاسمته الإنجازات والصدمات والسرقات.
وقالت الممثلة المصرية في فيديو نشرته بمناسبة عيد ميلادها: “عدت سنة، السنة كان نصها الأولاني حلو أوي، كلها نجاحات وجوائز وحب وحاجات حلوة، والنص الثاني من 1 يناير (تشرين الثاني) كلها صدمات وسرقة واتصدمت في ناس وتجارب”.
وأوضحت: “علشان كده كنت مختفية لأني بحب أظهر وأنا كويسة علشان أديكم طاقة إيجابية، ادعولي السنة دي تعدي وأبقى كويسة، والحمدلله الستر والصحة والرضا أهم حاجة”.
واحتفت فنانات كثيرات بعودة صدقي من خلال التعليقات، على غرار صابرين التي كتبت: “يا حبيبتي كل سنة وانتي مبدعة وبصحة وعافية ونجاح وتألق وتفرحي بمريم وسامو ويخليكي لكل حبايبك واوعي تتصدمي في حد طول ما ربنا بيحبك وكلنا بنموت فيكي يا صديقة العمر”.
وفي سياق متصل، احتفل “المركز القومي للمسرح والموسيقى والفنون الشعبية”، برئاسة الفنان إيهاب فهمي، بعيد ميلاد صدقي، من خلال إعداد ملصقاً خاصاً بالمناسبة واصفاً إياها بالفنانة الكبيرة.
View this post on InstagramA post shared by Hala Sedki (@halasedkiofficial)
main 2024-06-02 Bitajarodالمصدر: بتجرد
إقرأ أيضاً:
ساعة الوصول
لو خرجت الصبح بدرى تقدر تقول الطرق فاضية وإنجاز المشاوير والوصول لغايتنا أسهل، بس علشان فيه دورات مدارس، اتوبيسات وعربات خاصة وتاكسى بيستقلها الطلاب للمدارس وده غالباً من السادسة والنصف صباحاً، يعنى البدرى زحام.
ولا تقدر تتوقع السيولة المرورية بعد كده، يعنى من الثامنة وحتى فترة الضحى من اليوم أى العاشرة صباحاً لأن طبعا الموظفين وكل من يعمل بمؤسسة او مكاتب هيكون فى الشارع.
ولما تتشقلب موش هتعرف تلحق نفسك من وقت الظهيرة وماقبل الثانية ظهراً ، وده طبعا علشان معظم الاعمال لا تبدا فى وقتها وبالتالى فالعاملين فيها لن يتواجدوا فى مواعيدهم المنضبطة ، ودورة المدارس اللى انتهت بحلول الثامنة تبعتها دورات لأفراد يذهبون لأعمالهم تباعاً، يعنى كل نصف ساعة فوج، حاجة كده زى موج البحر بمزاجهم وبالتالى طول الوقت الناس فى الشارع.
واستكمالا للأزمة ناخد العصر وحتى وقت المغرب ودى قمة الهرجلة والزحمة، اصل الوقت ده بالذات بيجتمع فيه كل الاجيال تقريبا فى الشارع، موش بس كده ، ده كل انواع المواصلات بتتحرك فى كل الاتجاهات، طلاب مدارس تلاقى، طلاب جامعات ، موظفين عائدون ، عاملين فى اعمال حرة، ده حتى العمالة اليومية والعاملون بالحرف والورش يتفق ذلك مع موعد انتهاء نبطشياتهم.
لن نذكر طارىء مثل مطافى ولا إسعاف، إذ يجب أن نفسح لهم الطريق تماماً، ولن نشير بالتالى الى كمائن المرور وإختيار وقفاتهم وتوقيتها مثلاً.
وبكده لن يتبقى لنا إلا فترة الثامنة مساء وحتى منتصف الليل وهذه فترة أخرى لكن لفئات أخرى، للتنزه، لموعد على العشاء، لزيارات منزلية، وهكذا..
طيب لو انا عندى مشوار ومصالح ومواعيد مهمة أختار انزل امتى من بيتى؟ الحقيقة أنا حاولت أتخيل ان نزول فئات الشعب يكون بالتوالى مثلا ًكى لا تتكدس الطرق ، ولكن لامحالة ، واكتشفت ان حتى فى تنظيم المرور والشارع الأمر يرجع لسلوكيات الناس، ووجدت أن كل واحد ظن نفسه صاحب الشارع والأولية فى السير لا تتبع القواعد ولكن تتبع المزاجية ، كل الناس تحفظ كوبليه واحد ( الشارع لنا ، إحنا لوحدنا، والناس التانيين دول موش مننا) بس طبعا قصدهم الاستحواذ بعيداً عن الوطنية ومفهومها.
وأخيراً وليس آخراً ، يظهر انا كمان هستعمل أنانيتى بهمجية وأستعرض قواى وهمشى بمبدأ ( ماتوسع ياأبنى وسع شوف مين بيكلمك) علشان أقدر اعدى واجتاز واحقق ساعة الوصول.
عاجل | الجيش الإسرائيلي: نطالب سكان مبان محددة في قريتي جباع ومحرونة في جنوب لبنان بإخلائها فورا