كاميرات المراقبة وثقت الجريمة.. القصة الكاملة لحادث دهس طالب ووالده بالشيخ زايد
تاريخ النشر: 20th, October 2025 GMT
باشرت النيابة العامة بالشيخ زايد تحقيقات موسعة في حادث دهس رجل أعمال لطالب ووالده وابن عمته أمام نادي في كومبوند شهير بسبب خلاف بين ابنه والطالب المصاب داخل المدرسة ما أدى لإصابتهم بإصابات مختلفة.
وكشفت تحقيقات النيابة أن طالبين في مدرسة دولية حدث بينهما خلافات داخل المدرسة واتفق الطرفان على الالتقاء امام النادي لتصفية الخلاف بينهما وذهب ولي أمر كل منهما ووقف على مسافة منهم لحين حل الخلاف إلا أن والد أحد الطفلين قاد سيارته بسرعة كبيرة ودهس 3 أشخاص من الطرف الثاني وهم "الطفل زميل ابنه ووالده وابن عمته".
وأضافت التحقيقات أن المصابين أحدهم حالته حرجة والآخرين حالتهما مستقرة إلى حد ما وفرغت النيابة كاميرات المراقبة التي رصدت لحظة دهس المتهم للمجني عليهم وتم التحفظ عليها وإرسالها للجهات المختصة لتفريغ محتوها وكتابة تقرير كامل بها.
وعبر صفحتها الشخصية سردت والدة الطفل المصاب تفاصيل تعرض زوجها وابنها وقريبه للدهس من ولي أمر زميله أمام النادي في كومبوند شهير بالشيخ زايد.
وقالت في منشور طويل: "قررت احكي عشان في ناس كتير وجرائد بيتكلمو عن لساني كلام انا ماتكلمتش مع اي صحافة ولا هتكلم اصلا مش خناقة عيال... ده محاولة قtل متعمدة!
اللي حصل في مدرسة في الشيخ زايد يوم الأربعاء اللي فات مش خناقة ولاد اللي حصل جريمة، وناس بتلعب بحياة البشر، وأرواحنا بتدفع التمن!
والثمن والنتيجة: جوزي في العناية المركزة في غيبوبة ونزيف في المخ، ده غير الجروح والكدمات الشديدة؛ ابني حازم كسر في الكاحل وعملية شرائح ومسامير، وجروح وخياطات في وشه وجسمه.
سعيد ابن عمة حازم: كسر في الأنف، ارتجاج في المخ، فتح شديد في الشفاه، خياطات وجروح في أكتر من مكان في الوش، وكدمات في الجسم كله.
وأضافت: "القصة بدأت ابني حازم، في مدرسة انترناشونال في زايد اتلم عليه 6 ولاد جوه المدرسة واتعدّوا عليه بالضرب على خوانه.. منهم 3 إخوات.. وركّزوا على الـ3 دول لأن دول أساس المشكلة واللي حصل كله بسببهم.. مش أول مرة يعملوا كده، دول معروفين في المدرسة بتصرفاتهم العدوانية ومشاكلهم المتكررة، وكل الناس كانت بتشتكي من أسلوبهم
طب إيه اللي خلاهم يعملوا كده؟!
شوفوا السبب العجيب بجد:
ولد منهم معجب ببنت، والبنت دي زميلة حازم في المدرسة زمالة محترمة في حدود المدرسة.. فإزاي هي بتتكلم مع ولد جوه المدرسة قام جمع أخواته ال3 ومعاهم 3 كمان من أصحابهم وعملوا اللي عملوه!.
وعلى فكرة المدرسة عاملة فيهم محضرين قبل كده ولكن الواسطة خلتهم يفضلوا رغم انف المدرسة شايفين العنف بطولة، والسلوك العدواني هل الناس دول فوق القانون ويعملوا اللي هما عايزينه براحتهم؟؟؟
رجع حازم البيت نفسيًا مش كويس ومضايق جدًا لأنه يعرف ياخد حقه وكان ممكن يرد لو مكانش اتاخد على خوانه هم اتعاملوا معاه بطريقة جبانة وخدوا علي غفلة، وإحنا كأهل قررنا ناخد حقنا بالطريقة القانونية ونفهمه إن الحق مش دايمًا بيتاخد بالإيد وإن في قانون.
بس اللي حصل بعدها كان فيلم رعب حقيقي.. نفس ال 3 ولاد الاخوات ظهروا قدام بيتنا بعربية جولف، مشغلين أغاني بأعلى صوت وبيستفزوا حازم في الوقت ده ابن عمة حازم الكبير سعيد كان موجود معاه في البيت اخد حازم وطلع عشان يحاولوا يحلوا المشكلة بهدوء لأنهم ولاد صغيرين.
سعيد حاول يتكلم بالعقل: "عيب كده، خلونا نحترم بعض وقالهم إن الرجولة مش في الضرب واننا ممكن ناخد حقه بنفس الطريقة ولكن احنا مش عايزين مشاكل.. مشيوا وسكتنا.. قلنا خلاص.
واستكملت والدة الطفل المصاب سرد الحكاية : "بعدها بكام ساعة، جه لحازم تليفون ولد من الإخوات الثلاثة بيقول: تعالى عند النادي (Beverly Hills Club) مستنيك، عايزين نصلح.”
حازم كأي ولد في سنه هيحس إن لو ما راحش ممكن يتهموه بالخوف، وهو مش خايف منهم واحنا كمان فكرنا أنه يروح بس بشكل نكون متابعين من بعيد .. باباه وصله للنادي ومعاه سعيد ابن عمته ووقف بعيد يعمل تليفون وسابهم يروحوا هما للاولاد يتكلموا مع بعض ، وكل اللي فكرنا فيه إن دول خناقة أولاد ويمكن يتصالحوا ماكنّاش متوقعين إنهم مخططين لحاجة أشد من كده لكن اللي استناهم كان أخوهم الرابع الكبير – ملاكم سعيد حاول يتفاهم معه، وبدؤوا يتكلموا بالعقل إن دول ولاد صغيرين والمفروض نحلها بالسلمية.
وفجأة ومن غير سابق إنذار، الولد ده مسك حازم من وشه وحاول يضربه، وسعيد دخل يحميه واتعرض لضربات شديدة أدت لكسر في الأنف وارتجاج ونزيف.. حازم جري على والده، ولما رجع لقى سعيد على الأرض بينزف، والولد لسه بيعتدي عليه.
زوجي رد عليه بلكمة على وجهه عشان يبعده عن سعيد، بس للأسف الجبان ماستحملش منه لكمة وجري، لكن هنا حصل الأسوأ.. أبو الولد كان مستني في العربية، وجبان بردو وخاف يواجه زوجي ولما شاف ابنه بيهرب ــ لف بالعربية وبأقصى سرعة صدم أحمد (زوجي) وحازم وسعيد، وداس عليهم بالعربية وخد ابنه وهرب بعدها.
ده طبعا متعمد وخطير جدًا، والفيديوهات بتوثق اللي حصل.
والنتيجة إيه بقى بعد كل ده؟
ابني حازم: كسر في الكاحل، عملية شرائح ومسامير، علاج لعِدة أشهر، وكدمات وجروح في الجسم.
أحمد (زوجي): نزيف في المخ، غيبوبة، فاقد الوعي، في العناية المركزة، جسمه كله كدمات وجروح وخياطات.
سعيد (ابن عمة ابني): كسر في الأنف، ارتجاج في المخ، قطع في الشفاه وخياطات تجاوزت الـ12 غرزة وكل ده مثبت في التقارير الطبية.
المصدر: صدى البلد
كلمات دلالية: كاميرات المراقبة الشيخ زايد حادث دهس النيابة العامة اللی حصل فی المخ کسر فی
إقرأ أيضاً:
"أمك اللي قالت".. المتحدثة باسم البيت الأبيض في ورطة سياسية (ما القصة؟)
في واقعة طريفة هزت الولايات المتحدة الأمريكية، زعمت صحيفة هافينجتون بوست، أن المتحدثة باسم البيت الأبيض، كارولين ليفيت، ردت بإجابة صادمة وغير متوقعة، عندما واجهت سؤالا من مراسل كان فحواه كالآتى، "من اختار مدينة بودابست لاحتضان القمة بين الرئيس الأمريكى دونالد ترامب ونظيره الروسى فلاديمير بوتين؟"، لترد ليفيت، "أمك من فعلت!"، مما جعل البعض يشبهها بالمستشار مرتضى منصور في إجاباته الساخرة على بعض الأسئلة التي توجه إليه.
من جانبه، لم يعلق البيت الأبيض على الواقعة حتى الآن، في حين وكتب المراسل "إس فى داتى" فى مقال نشرته هافينجتون بوست، أنه عند توجيه السؤال عبر مراسلات نصية مع المتحدثة، عن هوية من اختار العاصمة المجرية لاحتضان قمة بوتين وترامب، ردت المتحدثة قائلة "أمك من فعلت"، متابعة بسيل من الإهانات التى وصفت صحيفته بصحيفة غير حقيقية.. ولم ينشر المراسل داتى تفاصيل المحادثة محل القصة.
في الوقت نفسه، تحول الأمر إلى موقف ساخر وطريف بين رواد السوشيال ميديا، الذين زعموا مازحين أن المتحدثة باسم البيت الأبيض حتمًا تتابع لقاءات مرتضى منصور.
ولم تصرح الصحيفة عن هوية المراسل التى وجه السؤال، ولم تظهر أى دليل حتى الآن على هذا الأمر، حيث قالت الصحيفة أن الواقعة حدثت يوم 17 أكتوبر، لكنها لم تظهر إذا كان ذلك فى مؤتمر صحفى، بل أشارت وسائل إعلامية أن الواقعة حدثت عبر مراسلات ورسائل نصية بين المراسلة وليفيت، لكنها لم تنشر هذه الرسائل النصية حتى الأن.
وادعت الصحيفة أن سبب هذه الإجابة الغريبة من قبل المتحدثة باسم البيت الأبيض، أن الصحيفة محسوبة على التيار اليسارى الليبرالى فى الولايات المتحدة، وهو تيار يعارض الرئيس الحالى دونالد ترامب بشراسة.
«مصر.. هبة الله للأرض ومهد الأنبياء والتاريخ»