"يسرا رفضت تقبيل ممثل بسبب أسنانه".. المخرجة المصرية إيناس الدغيدي تثير الجدل بتصريحاتها
تاريخ النشر: 4th, April 2024 GMT
حلت المخرجة المصرية إيناس الدغيدي ضيفة على برنامج "أسرار" الذي تقدمه الإعلامية أميرة بدر على قناة "النهار"، حيث كشفت العديد من أسرارها الشخصية والفنية.
إقرأ المزيدوقالت إيناس في البرنامج:
- "أنا مش مغرورة لكن شكلي مغرور، وعمرو سعد مكسرش المكتب عندي، هو حد كلمني قالي فيه ولد كويس أوي هيجيلك المكتب عشان عايز يمثل، وأنا مكنتش موجودة، ومكلمنيش قبلها، وقال للسكرتيرة أنا مش همشي وقاعد استنى، فاكر إنها مخبياني عنه، وهو كتب لي جواب، بس عرفت الموضوع ده بعد ما بقى عمرو سعد".
- "اخترت أحمد عز من كاست وكان موديل إعلانات، رفضته في الأول، عشان مكنش مناسب سنا، عشان كان أصغر من يسرا ومش هينفع، الفيلم كان فيه بوسة، ويسرا جات قالتلي مين الراجل اللي هيبوسني، قلتلها جايبالك واحد كويس، عشان مش عايزة تتباس من أي حد، لما شافته قالتلي هو ده اللي اخترتيه؟ طب أنتي بصيتي على سنانه؟ مش هينفع أبوسه عشان سنانه كلها سودة".
- "المنتج كان مقتنع بأحمد عز عشان وسامته، وراح قال ليسرا فيه واحد كويس أوي بس إيناس شايفة أنه صغير، لما شافته قالتلي ده أنا هبوسه لكن اللي إنتي مختاراه مش هينفع، قلتلها ده صغير، قالتلي ماليش دعوة".
- "أحمد عز بعد الموقف ده راح اتعلم وجالي قالي عايز أعمل فيلم، عملت به "مذكرات مراهقة"، وعز تطور جدا، ومجتهد ومركز وعنده هدف".
- "بقالي 14 سنة مشتغلتش واسمي موجود، وفيه مخرجين موجودين والناس متعرفهمش، والمخرجين أنواع، فيه اللي بينفذ وفي اللي عنده فكر، أنا من اللي عندهم فكر".
- "كل الفنانات دخلوا الوسط عشان الجمال، وياسمين صبري دخلت عشان جميلة، بس عايزة تتطور، أنا بحبها بس عاوزة مخرجين ومساعدين يساعدوها".
المصدر: النهار
المصدر: RT Arabic
كلمات دلالية: أخبار مصر أخبار مصر اليوم القاهرة غوغل Google
إقرأ أيضاً:
لن نشاهد الزمالك 50 يوما.. ياسمين الخطيب تثير الجدل بتصريح عن القلعة البيضاء
أعلنت الإعلامية ياسمين الخطيب عن نيتها في عدم مشاهدة الزمالك لمدة 50 يومًا، وذلك خلال منشور عبر حسابه الشخصي بموقع التواصل الإجتماعي الأشهر “فيسبوك”.
كتبت ياسمين الخطيب: “لن نشاهد الزمالك لمدة 50 يوم! .. أنا أجازتي تخلص نص ديسمبر، بس بفكر أمدها، واسافر أروق، وأعمل فحوصات على قلبي وضغطي وصحتي النفسية، إللي رايحة في داهية بسبب النادي ده!”.
وفجّرت نقابة الإعلاميين مفاجأة جديدة حول قرار إيقاف الإعلامية ياسمين الخطيب، حيث أكدت النقابة أنه لم يصدر عنها أي قرار بمنعها من ممارسة العمل الإعلامي.
وأوضحت النقابة، في ردها على ما تم تداوله، أنه لا يوجد قرار إيقاف رسمي صادر من نقابة الإعلاميين بحق ياسمين الخطيب، مؤكدة أنها لا تزال تملك حق ممارسة نشاطها الإعلامي بشكل طبيعي، سواء من خلال البرامج أو الظهور الإعلامي على مختلف المنصات.
وتأتي تصريحات النقابة وسط حالة من الجدل التي صاحبت قرار المجلس الأعلى لتنظيم الإعلام، ما جعل بيان النقابة بمثابة توضيح مهم لحسم الجدل حول الموقف القانوني للإعلامية ياسمين الخطيب.